Sachin Tendulkar: ఆర్‌సీబీ సంబరాల్లో పెను విషాదం.. సచిన్ తీవ్ర దిగ్భ్రాంతి
- ఆర్‌సీబీ ఐపీఎల్ 2025 విజయోత్సవ వేడుకల్లో తీవ్ర అపశ్రుతి
- బెంగళూరు చిన్నస్వామి స్టేడియం సమీపంలో జరిగిన తొక్కిసలాటలో 11 మంది మృతి
- ఈ ఘటనపై సంతాపం వ్యక్తం చేసిన సచిన్
- బాధిత కుటుంబాలకు సానుభూతి తెలిపిన లిటిల్ మాస్ట‌ర్
బుధవారం బెంగళూరులో రాయల్ ఛాలెంజర్స్ బెంగళూరు (ఆర్‌సీబీ) జట్టు విజయోత్సవ వేడుకల సందర్భంగా జరిగిన తొక్కిసలాటలో 11 మంది ప్రాణాలు కోల్పోగా, కనీసం 47 మంది గాయపడ్డ విష‌యం తెలిసిందే. 18 ఏళ్ల సుదీర్ఘ నిరీక్షణ తర్వాత ఆర్‌సీబీ తొలిసారి ఐపీఎల్ టైటిల్ కైవసం చేసుకోవడంతో, ఈ విజయాన్ని అంగరంగ వైభవంగా జరుపుకోవడానికి ఎం. చిన్నస్వామి స్టేడియం సమీపంలో వేలాదిగా అభిమానులు తరలివచ్చారు. ఈ క్రమంలోనే ఈ దురదృష్టకర సంఘటన జరిగింది.
ఈ విషాద ఘటనపై క్రికెట్ దిగ్గజం సచిన్ టెండూల్కర్ తీవ్ర సంతాపం వ్యక్తం చేశారు. ప్రతి బాధిత కుటుంబానికి నా ప్రగాఢ సానుభూతి తెలియజేస్తున్నాన‌ని సచిన్ తన సందేశంలో పేర్కొన్నారు.
"బెంగళూరులోని చిన్నస్వామి స్టేడియంలో జరిగినది విషాదానికి అతీతమైనది. ప్రతి బాధిత కుటుంబానికి నా సానుభూతి. వారంద‌రికీ శాంతి, బ‌లాన్ని చేకూర్చాల‌ని దేవుడిని కోరుకుంటున్నాను" అని సచిన్ తన 'ఎక్స్' పోస్ట్‌లో పేర్కొన్నారు.
నివేదికల ప్రకారం, బెంగళూరులో ఓపెన్ బస్ పరేడ్ ద్వారా విజయోత్సవ ర్యాలీ నిర్వహించాలని తొలుత ప్రణాళిక వేశారు. దీనికోసం దాదాపు రెండు లక్షల మంది అభిమానులు స్టేడియం వెలుపల గుమిగూడారు. దీంతో అక్కడ ఉన్న పోలీసు సిబ్బంది పరిస్థితిని అదుపు చేయలేకపోయారని, ఫలితంగా తీవ్ర గందరగోళం నెలకొని తొక్కిసలాటకు దారితీసిందని సమాచారం. మృతుల్లో ఒక చిన్న బాలుడు కూడా ఉన్నట్లు తెలిసింది. గాయపడినవారికి ఆసుపత్రుల్లో చికిత్స అందిస్తున్నారు.
మంగళవారం అహ్మదాబాద్‌లో జరిగిన ఫైనల్‌లో ఆర్‌సీబీ జట్టు విజయంలో కీలక పాత్ర పోషించిన స్టార్ బ్యాట్స్‌మెన్ విరాట్ కోహ్లీ ఈ ఘటనపై తీవ్ర ఆవేదన వ్యక్తం చేశారు. బుధవారం రాత్రి సుమారు 10:45 గంటలకు తన ఇన్‌స్టాగ్రామ్‌లో, "ఏం మాట్లాడాలో మాటలు రావడం లేదు. తీవ్రంగా కుంగిపోయాను" అంటూ జట్టు అధికారిక ప్రకటనను రీపోస్ట్ చేశారు.
ఆర్‌సీబీ ఫ్రాంచైజీ కూడా ఈ ఘటనపై తీవ్ర దిగ్భ్రాంతి వ్యక్తం చేస్తూ ఒక ప్రకటన విడుదల చేసింది. "ఈ మధ్యాహ్నం జట్టు రాక సందర్భంగా బెంగళూరు నగరమంతటా జరిగిన బహిరంగ సభల గురించి మీడియా నివేదికల ద్వారా తెలిసిన దురదృష్టకర సంఘటనల పట్ల మేము తీవ్ర ఆవేదన చెందుతున్నాము. ప్రతి ఒక్కరి భద్రత, శ్రేయస్సు మాకు అత్యంత ముఖ్యం. ఆర్‌సీబీ ఈ విషాదకర ఘటనలో ప్రాణాలు కోల్పోయిన వారికి సంతాపం తెలుపుతోంది. బాధిత కుటుంబాలకు మా ప్రగాఢ సానుభూతి తెలియజేస్తున్నాము" అని ఫ్రాంచైజీ పేర్కొంది.
ఆర్‌సీబీ టైటిల్ క‌రువు తీరిన వేళ సంబరాలు అంబరాన్నంటాల్సి ఉండగా, ఈ విషాద ఘటన చోటుచేసుకోవడం ఫ్రాంచైజీకి, అసంఖ్యాకమైన అభిమానులకు తీవ్ర ఆవేదనను మిగిల్చింది.
ఈ విషాద ఘటనపై క్రికెట్ దిగ్గజం సచిన్ టెండూల్కర్ తీవ్ర సంతాపం వ్యక్తం చేశారు. ప్రతి బాధిత కుటుంబానికి నా ప్రగాఢ సానుభూతి తెలియజేస్తున్నాన‌ని సచిన్ తన సందేశంలో పేర్కొన్నారు.
"బెంగళూరులోని చిన్నస్వామి స్టేడియంలో జరిగినది విషాదానికి అతీతమైనది. ప్రతి బాధిత కుటుంబానికి నా సానుభూతి. వారంద‌రికీ శాంతి, బ‌లాన్ని చేకూర్చాల‌ని దేవుడిని కోరుకుంటున్నాను" అని సచిన్ తన 'ఎక్స్' పోస్ట్‌లో పేర్కొన్నారు.
నివేదికల ప్రకారం, బెంగళూరులో ఓపెన్ బస్ పరేడ్ ద్వారా విజయోత్సవ ర్యాలీ నిర్వహించాలని తొలుత ప్రణాళిక వేశారు. దీనికోసం దాదాపు రెండు లక్షల మంది అభిమానులు స్టేడియం వెలుపల గుమిగూడారు. దీంతో అక్కడ ఉన్న పోలీసు సిబ్బంది పరిస్థితిని అదుపు చేయలేకపోయారని, ఫలితంగా తీవ్ర గందరగోళం నెలకొని తొక్కిసలాటకు దారితీసిందని సమాచారం. మృతుల్లో ఒక చిన్న బాలుడు కూడా ఉన్నట్లు తెలిసింది. గాయపడినవారికి ఆసుపత్రుల్లో చికిత్స అందిస్తున్నారు.
మంగళవారం అహ్మదాబాద్‌లో జరిగిన ఫైనల్‌లో ఆర్‌సీబీ జట్టు విజయంలో కీలక పాత్ర పోషించిన స్టార్ బ్యాట్స్‌మెన్ విరాట్ కోహ్లీ ఈ ఘటనపై తీవ్ర ఆవేదన వ్యక్తం చేశారు. బుధవారం రాత్రి సుమారు 10:45 గంటలకు తన ఇన్‌స్టాగ్రామ్‌లో, "ఏం మాట్లాడాలో మాటలు రావడం లేదు. తీవ్రంగా కుంగిపోయాను" అంటూ జట్టు అధికారిక ప్రకటనను రీపోస్ట్ చేశారు.
ఆర్‌సీబీ ఫ్రాంచైజీ కూడా ఈ ఘటనపై తీవ్ర దిగ్భ్రాంతి వ్యక్తం చేస్తూ ఒక ప్రకటన విడుదల చేసింది. "ఈ మధ్యాహ్నం జట్టు రాక సందర్భంగా బెంగళూరు నగరమంతటా జరిగిన బహిరంగ సభల గురించి మీడియా నివేదికల ద్వారా తెలిసిన దురదృష్టకర సంఘటనల పట్ల మేము తీవ్ర ఆవేదన చెందుతున్నాము. ప్రతి ఒక్కరి భద్రత, శ్రేయస్సు మాకు అత్యంత ముఖ్యం. ఆర్‌సీబీ ఈ విషాదకర ఘటనలో ప్రాణాలు కోల్పోయిన వారికి సంతాపం తెలుపుతోంది. బాధిత కుటుంబాలకు మా ప్రగాఢ సానుభూతి తెలియజేస్తున్నాము" అని ఫ్రాంచైజీ పేర్కొంది.
ఆర్‌సీబీ టైటిల్ క‌రువు తీరిన వేళ సంబరాలు అంబరాన్నంటాల్సి ఉండగా, ఈ విషాద ఘటన చోటుచేసుకోవడం ఫ్రాంచైజీకి, అసంఖ్యాకమైన అభిమానులకు తీవ్ర ఆవేదనను మిగిల్చింది.
