Mohan Babu: నా బిడ్డ కష్టపడ్డాడు... 'కన్నప్ప'ను ఆదరించండి: మోహన్ బాబు
- గుంటూరులో కన్నప్ప ప్రీ రిలీజ్‌ వేడుక
- హాజరైన మోహన్ బాబు
- ఈ నెల 27న ప్రేక్షకుల ముందుకు రానున్న 'కన్నప్ప'
ప్రతిష్ఠాత్మకంగా తెరకెక్కుతున్న 'కన్నప్ప' సినిమా ప్రీ రిలీజ్‌ వేడుక శనివారం గుంటూరులో ఘనంగా జరిగింది. ఈ కార్యక్రమానికి హాజరైన నటుడు మోహన్‌బాబు మాట్లాడుతూ, ఈ నెల 27న విడుదల కానున్న 'కన్నప్ప' చిత్రాన్ని ప్రేక్షకులందరూ ఆదరించి, ఆశీర్వదించాలని విజ్ఞప్తి చేశారు. తన కుమారుడు మంచు విష్ణు ఈ సినిమా కోసం ఎంతో శ్రమించారని ఆయన పేర్కొన్నారు.
ఈ సందర్భంగా మోహన్‌బాబు తన సినీ ప్రస్థానాన్ని గుర్తుచేసుకుంటూ, "సినిమా రంగంలో స్వయం కృషితో కష్టపడి పైకొచ్చాను. జీవితంలో భయం అనేది ఉండకూడదు. తప్పు చేయనప్పుడు ఎవరికీ భయపడాల్సిన అవసరం లేదు. నా విద్యాసంస్థల్లో విద్యార్థులకు కూడా ఇదే నేర్పిస్తున్నాను. నా విద్యాలయాల నుంచి ఎంతో మంది ఐపీఎస్‌లు, ఐఏఎస్‌లుగా సేవలందిస్తున్నారు" అని తెలిపారు. 'కన్నప్ప' సినిమా గురించి మాట్లాడుతూ, "ఈ సినిమా కోసం నా కుమారుడు విష్ణు ఆరేడేళ్లు కష్టపడ్డాడు. ఆ పరమేశ్వరుడు మా ప్రయత్నాన్ని ఆశీర్వదించాడు" అని అన్నారు.
ఈ చిత్రంలో కీలక పాత్ర పోషిస్తున్న ప్రభాస్‌ గురించి మోహన్‌బాబు ప్రశంసలు కురిపించారు. "ప్రభాస్‌ మానవత్వం, మంచి హృదయం ఉన్న వ్యక్తి. ఈ సినిమాలో నటించమని అడిగిన వెంటనే అంగీకరించాడు" అని ఆయన వెల్లడించారు. తనదైన శైలిలో, ‘బలవంతుడు ఎదురొచ్చినప్పుడు తలదించిన వాడు బాగుపడతాడు. ఎదురించిన వాడు వాగులో పడతాడు’, ‘నిన్న జరిగింది మర్చిపోను.. నేడు జరగాల్సింది వాయిదా వేయను.. రేపటి గురించి ఆలోచించను.. దటీజ్‌ రామన్న’ వంటి పవర్‌ఫుల్ డైలాగ్‌లతో అభిమానులను ఉత్సాహపరిచారు.
మంచు విష్ణు ప్రధాన పాత్రలో నటిస్తున్న 'కన్నప్ప' చిత్రంలో మోహన్‌బాబు, ప్రీతి ముకుందన్‌, శరత్‌కుమార్‌, ముకేశ్‌ రుషి, రఘుబాబు, బ్రహ్మానందం వంటి ప్రముఖ నటీనటులు కీలక పాత్రలు పోషిస్తున్నారు. అంతేకాకుండా, ఈ సినిమాలో ప్రభాస్‌, మోహన్‌లాల్, కాజల్‌ అగర్వాల్, అక్షయ్‌కుమార్‌ వంటి అగ్ర తారలు అతిథి పాత్రల్లో కనిపించనుండటం విశేషం. ఈ చిత్రం జూన్ 27న ప్రపంచవ్యాప్తంగా విడుదల కానుంది.
ఈ సందర్భంగా మోహన్‌బాబు తన సినీ ప్రస్థానాన్ని గుర్తుచేసుకుంటూ, "సినిమా రంగంలో స్వయం కృషితో కష్టపడి పైకొచ్చాను. జీవితంలో భయం అనేది ఉండకూడదు. తప్పు చేయనప్పుడు ఎవరికీ భయపడాల్సిన అవసరం లేదు. నా విద్యాసంస్థల్లో విద్యార్థులకు కూడా ఇదే నేర్పిస్తున్నాను. నా విద్యాలయాల నుంచి ఎంతో మంది ఐపీఎస్‌లు, ఐఏఎస్‌లుగా సేవలందిస్తున్నారు" అని తెలిపారు. 'కన్నప్ప' సినిమా గురించి మాట్లాడుతూ, "ఈ సినిమా కోసం నా కుమారుడు విష్ణు ఆరేడేళ్లు కష్టపడ్డాడు. ఆ పరమేశ్వరుడు మా ప్రయత్నాన్ని ఆశీర్వదించాడు" అని అన్నారు.
ఈ చిత్రంలో కీలక పాత్ర పోషిస్తున్న ప్రభాస్‌ గురించి మోహన్‌బాబు ప్రశంసలు కురిపించారు. "ప్రభాస్‌ మానవత్వం, మంచి హృదయం ఉన్న వ్యక్తి. ఈ సినిమాలో నటించమని అడిగిన వెంటనే అంగీకరించాడు" అని ఆయన వెల్లడించారు. తనదైన శైలిలో, ‘బలవంతుడు ఎదురొచ్చినప్పుడు తలదించిన వాడు బాగుపడతాడు. ఎదురించిన వాడు వాగులో పడతాడు’, ‘నిన్న జరిగింది మర్చిపోను.. నేడు జరగాల్సింది వాయిదా వేయను.. రేపటి గురించి ఆలోచించను.. దటీజ్‌ రామన్న’ వంటి పవర్‌ఫుల్ డైలాగ్‌లతో అభిమానులను ఉత్సాహపరిచారు.
మంచు విష్ణు ప్రధాన పాత్రలో నటిస్తున్న 'కన్నప్ప' చిత్రంలో మోహన్‌బాబు, ప్రీతి ముకుందన్‌, శరత్‌కుమార్‌, ముకేశ్‌ రుషి, రఘుబాబు, బ్రహ్మానందం వంటి ప్రముఖ నటీనటులు కీలక పాత్రలు పోషిస్తున్నారు. అంతేకాకుండా, ఈ సినిమాలో ప్రభాస్‌, మోహన్‌లాల్, కాజల్‌ అగర్వాల్, అక్షయ్‌కుమార్‌ వంటి అగ్ర తారలు అతిథి పాత్రల్లో కనిపించనుండటం విశేషం. ఈ చిత్రం జూన్ 27న ప్రపంచవ్యాప్తంగా విడుదల కానుంది.
