Mahesh Babu: అఖిల్ రిసెప్షన్లో మహేశ్ బాబు ధరించిన టీషర్ట్ రేటెంతో కనుక్కున్న అభిమానులు!

తెలుగు సినీ ప్రేక్షకులకు సూపర్ స్టార్ మహేశ్ బాబు యంగ్ హీరో అఖిల్ అక్కినేని పెళ్లి రిసెప్షన్ లో తన అల్ట్రా కూల్ లుక్ తో అందరినీ ఆకర్షించారు. భారీ సంఖ్యలో అభిమానులను కలిగిన ఆయన, తనదైన స్టైల్ తో ఎప్పుడూ వార్తల్లో నిలుస్తుంటారు. ఈ కార్యక్రమానికి ఆయన తన భార్య నమ్రత, కుమార్తె సితారతో కలిసి హాజరై ప్రత్యేక ఆకర్షణగా నిలిచారు.

ఈ వేడుకలో మహేష్ బాబు ధరించిన ఫుల్ స్లీవ్ టీ-షర్ట్ చూడటానికి చాలా సాధారణంగా కనిపించింది. అయితే, ఆయన లుక్ పై అభిమానులు, సోషల్ మీడియా యూజర్లు వెంటనే దృష్టి సారించారు. మహేష్ ధరించిన ఆ టీ-షర్ట్ వివరాలు తెలుసుకునే పనిలో పడ్డారు. వారి అన్వేషణలో ఆసక్తికరమైన విషయాలు వెలుగులోకి వచ్చాయి.

ఈ టీ-షర్ట్ ప్రపంచ ప్రఖ్యాత లగ్జరీ ఫ్యాషన్ బ్రాండ్ అయిన 'హెర్మ్స్' (Hermès) కు చెందినదని తేలింది. ఇక దాని ధర తెలిసి అభిమానులు ఒక్కసారిగా ఆశ్చర్యపోయారు. ఆ సింపుల్ గా కనిపించే టీ-షర్ట్ ఖరీదు అక్షరాలా రూ. 1,51,678 అని తెలియడంతో అందరూ కంగుతిన్నారు. ప్రస్తుతం ఈ వార్త సోషల్ మీడియాలో తెగ ట్రెండ్ అవుతోంది. మహేశ్ బాబు స్టైల్, ఆయన ధరించే వస్త్రాల ధరలు ఎప్పుడూ చర్చనీయాంశంగా మారుతుంటాయని మరోసారి రుజువైంది.