KGBV: కేజీబీవీ టాయిలెట్‌లో భారీ కొండచిలువ కలకలం
- హనుమకొండ జిల్లా కమలాపూర్‌ కేజీబీవీలో కొండచిలువ ప్రత్యక్షం
- బాలికల వసతిగృహం మూత్రశాలలో పామును గుర్తించిన సిబ్బంది
- సుమారు 10 అడుగుల పొడవున్న కొండచిలువతో కలకలం
- పట్టుకొని సమీప అడవిలో విడిచిపెట్టిన అటవీశాఖ అధికారులు
హనుమకొండ జిల్లాలోని ఓ పాఠశాల విద్యార్థినులు బుధవారం ఉదయం ఊహించని రీతిలో భయాందోళనలకు గురయ్యారు. తాము రోజూ ఉపయోగించే టాయిలెట్‌లోనే ఓ భారీ కొండచిలువ కనిపించడంతో వారంతా ఒక్కసారిగా ఉలిక్కిపడ్డారు. ఈ సంఘటన స్థానికంగా తీవ్ర కలకలం రేపింది.
వివరాల్లోకి వెళితే... హనుమకొండ జిల్లా కమలాపూర్‌ మండల కేంద్రంలోని కస్తూర్బా గాంధీ బాలికల విద్యాలయం (కేజీబీవీ)లో ఈ ఘటన చోటుచేసుకుంది. నిన్న ఉదయం పాఠశాలలోని బాలికల వసతిగృహానికి చెందిన ఓ మ‌రుగుదొడ్డిలో సుమారు 10 అడుగుల పొడవున్న కొండచిలువను సిబ్బంది గుర్తించారు. కేజీబీవీ ఎస్ఓ అర్చ‌న, ఉపాధ్యాయులు పారిశుద్ధ్య కార్మికుల‌తో మ‌రుగుదొడ్ల‌ను శుభ్రం చేయిస్తున్న స‌మ‌యంలో ఓ టాయిలెట్‌లో ఈ భారీ కొండచిలువ క‌నిపించింది.
వెంటనే అప్రమత్తమైన పాఠశాల సిబ్బంది ఏమాత్రం ఆలస్యం చేయకుండా అటవీశాఖ అధికారులకు సమాచారం అందించారు. సమాచారం అందుకున్న అటవీశాఖ బీట్ అధికారి అశోక్‌, హ‌నుమకొండ‌లోని జూపార్క్ సిబ్బంది హుటాహుటిన పాఠశాలకు చేరుకున్నారు. వారు ఎంతో చాకచక్యంగా ఆ భారీ కొండచిలువను పట్టుకున్నారు. అనంతరం దానిని సమీపంలోని అటవీ ప్రాంతంలో సురక్షితంగా వదిలిపెట్టారు. అటవీశాఖ అధికారులు సత్వరమే స్పందించి చర్యలు తీసుకోవడంతో అంద‌రూ ఊపిరిపీల్చుకున్నారు.
వివరాల్లోకి వెళితే... హనుమకొండ జిల్లా కమలాపూర్‌ మండల కేంద్రంలోని కస్తూర్బా గాంధీ బాలికల విద్యాలయం (కేజీబీవీ)లో ఈ ఘటన చోటుచేసుకుంది. నిన్న ఉదయం పాఠశాలలోని బాలికల వసతిగృహానికి చెందిన ఓ మ‌రుగుదొడ్డిలో సుమారు 10 అడుగుల పొడవున్న కొండచిలువను సిబ్బంది గుర్తించారు. కేజీబీవీ ఎస్ఓ అర్చ‌న, ఉపాధ్యాయులు పారిశుద్ధ్య కార్మికుల‌తో మ‌రుగుదొడ్ల‌ను శుభ్రం చేయిస్తున్న స‌మ‌యంలో ఓ టాయిలెట్‌లో ఈ భారీ కొండచిలువ క‌నిపించింది.
వెంటనే అప్రమత్తమైన పాఠశాల సిబ్బంది ఏమాత్రం ఆలస్యం చేయకుండా అటవీశాఖ అధికారులకు సమాచారం అందించారు. సమాచారం అందుకున్న అటవీశాఖ బీట్ అధికారి అశోక్‌, హ‌నుమకొండ‌లోని జూపార్క్ సిబ్బంది హుటాహుటిన పాఠశాలకు చేరుకున్నారు. వారు ఎంతో చాకచక్యంగా ఆ భారీ కొండచిలువను పట్టుకున్నారు. అనంతరం దానిని సమీపంలోని అటవీ ప్రాంతంలో సురక్షితంగా వదిలిపెట్టారు. అటవీశాఖ అధికారులు సత్వరమే స్పందించి చర్యలు తీసుకోవడంతో అంద‌రూ ఊపిరిపీల్చుకున్నారు.
