Nara Lokesh: కువైట్‌లో చిక్కుకున్న అన్నమయ్య జిల్లా మహిళ.. కాపాడాలంటూ నారా లోకేశ్ కు కన్నీటి వేడుకోలు
- ఉపాధి కోసం కువైట్ వెళ్లిన అన్నమయ్య జిల్లా గేరంపల్లి వాసి పుష్ప
- ఏజెంట్ సురేష్ మోసం చేశాడని, చెప్పిన పని కాకుండా వేరే పనులు చేయిస్తున్నారని ఆరోపణ
- యజమానులు ఆహారం పెట్టకుండా, శారీరకంగా హింసిస్తున్నారని బాధితురాలి ఆవేదన
- ఇండియాకు రప్పించాలని కన్నీటితో విజ్ఞప్తి
- బాత్రూంలో దాక్కొని ఫోన్ ద్వారా తన గోడు వెళ్లబోసుకున్న వైనం
ఉపాధి కోసం ఎంతో ఆశతో సముద్రాలు దాటి వెళ్లిన ఓ తెలుగు మహిళ కువైట్‌లో నరకయాతన అనుభవిస్తున్నారు. అన్నమయ్య జిల్లాకు చెందిన పుష్ప అనే మహిళ, ఏజెంట్ మాటలు నమ్మి కువైట్ వెళ్లి అక్కడ చిత్రహింసలకు గురవుతున్నానని, తనను ఎలాగైనా ఇండియాకు రప్పించాలని కన్నీటిపర్యంతమవుతూ వేడుకుంటున్నారు. మంత్రి నారా లోకేశ్ చొరవ తీసుకుని తనను ఆదుకోవాలని ఆమె ఓ వీడియో ద్వారా అభ్యర్థించారు.
అన్నమయ్య జిల్లా కేవీపల్లి మండలం గేరంపల్లి గ్రామానికి చెందిన పుష్ప అనే మహిళ తీవ్ర కష్టాల్లో చిక్కుకున్నారు. భర్తతో విడాకులు తీసుకున్న ఆమె, ఇద్దరు పిల్లల పోషణ కోసం, వారి చదువుల కోసం ఉపాధి నిమిత్తం కువైట్ వెళ్లాలని నిర్ణయించుకున్నారు. పీలేరుకు చెందిన సురేష్ అలియాస్ స్వరాజ్ అనే ఏజెంట్ ద్వారా ఆమె కువైట్‌లోని సాద్ అబ్దుల్లా, జహ్రా ప్రాంతానికి మే 27న చేరుకున్నారు. అయితే, అక్కడకు వెళ్లాక ఏజెంట్ చెప్పిన మాటలకు, వాస్తవ పరిస్థితులకు పొంతన లేదని ఆమె వాపోయారు.
ఒక పని అని చెప్పి మరో పని చేయిస్తున్నారని, యజమానులు సరిగ్గా ఆహారం కూడా పెట్టకుండా తీవ్రంగా హింసిస్తున్నారని పుష్ప ఆరోపించారు. "నన్ను కొడుతున్నారు, చిత్రహింసలు పెడుతున్నారు. తిండి కూడా సరిగా పెట్టడం లేదు. నేను ఇక్కడ ఉండలేను, దయచేసి నన్ను ఇండియాకు తీసుకురావడానికి సహాయం చేయండి" అంటూ ఆమె సుమన్ టీవీకి పంపిన వీడియోలో కన్నీరుమున్నీరయ్యారు. ప్రస్తుతం తాను యజమానులకు తెలియకుండా బాత్రూంలో దాక్కొని మాట్లాడుతున్నానని, బయట తలుపులు కొడుతున్నారని భయాందోళన వ్యక్తం చేశారు.
తనకు ఇద్దరు పిల్లలు ఉన్నారని, వారి కోసమే తాను ఇక్కడికి వచ్చానని, కానీ ఇక్కడ పరిస్థితులు దారుణంగా ఉన్నాయని తెలిపారు. "ఇక్కడ ఆరుగురు పిల్లలు, ఒక ఏడాది బిడ్డ, మొత్తం ఎనిమిది మంది పెద్దవాళ్లు ఉన్నారు. అందరి పనీ నేనే చేయాలి. వాళ్ల వేధింపులు తట్టుకోలేకపోతున్నాను" అని ఆమె తన గోడు వెళ్లబోసుకున్నారు. తాను ఇండియాకు వెళ్లిపోతానంటే, రెండు వేల కువైటీ దినార్లు కడితేనే పంపిస్తామని యజమానులు బెదిరిస్తున్నారని, తన వద్ద అంత డబ్బు లేదని ఆమె ఆవేదన వ్యక్తం చేశారు.
నెల జీతం 110 దినార్లు ఇస్తామని చెప్పారని, ఇప్పటివరకు ఒక నెల జీతం మాత్రమే అడిగి అడిగి తీసుకున్నానని ఆమె తెలిపారు. తన తల్లిదండ్రులు వంబాల కృష్ణయ్య, పార్వతి గేరంపల్లిలో ఉన్నారని, పిల్లల భవిష్యత్తు కోసమే తాను ఈ కష్టాలు పడుతున్నానని చెప్పారు. ఏజెంట్ సురేష్‌ను సంప్రదించేందుకు ప్రయత్నించగా, అతను కూడా సరిగా స్పందించడం లేదని, తిడుతున్నాడని ఆమె ఆరోపించారు.
తనను ఎలాగైనా ఈ నరకం నుంచి బయటపడేసి, ఇండియాకు సురక్షితంగా తీసుకురావాలని మంత్రి నారా లోకేశ్ ను, ఏపీ ప్రభుత్వాన్ని పుష్ప వేడుకున్నారు. ఆత్మహత్య చేసుకోవాలనే ఆలోచనలు కూడా వస్తున్నాయని, కానీ పిల్లల కోసమే ధైర్యం తెచ్చుకుంటున్నానని ఆమె ఆవేదనతో తెలిపారు.
అన్నమయ్య జిల్లా కేవీపల్లి మండలం గేరంపల్లి గ్రామానికి చెందిన పుష్ప అనే మహిళ తీవ్ర కష్టాల్లో చిక్కుకున్నారు. భర్తతో విడాకులు తీసుకున్న ఆమె, ఇద్దరు పిల్లల పోషణ కోసం, వారి చదువుల కోసం ఉపాధి నిమిత్తం కువైట్ వెళ్లాలని నిర్ణయించుకున్నారు. పీలేరుకు చెందిన సురేష్ అలియాస్ స్వరాజ్ అనే ఏజెంట్ ద్వారా ఆమె కువైట్‌లోని సాద్ అబ్దుల్లా, జహ్రా ప్రాంతానికి మే 27న చేరుకున్నారు. అయితే, అక్కడకు వెళ్లాక ఏజెంట్ చెప్పిన మాటలకు, వాస్తవ పరిస్థితులకు పొంతన లేదని ఆమె వాపోయారు.
ఒక పని అని చెప్పి మరో పని చేయిస్తున్నారని, యజమానులు సరిగ్గా ఆహారం కూడా పెట్టకుండా తీవ్రంగా హింసిస్తున్నారని పుష్ప ఆరోపించారు. "నన్ను కొడుతున్నారు, చిత్రహింసలు పెడుతున్నారు. తిండి కూడా సరిగా పెట్టడం లేదు. నేను ఇక్కడ ఉండలేను, దయచేసి నన్ను ఇండియాకు తీసుకురావడానికి సహాయం చేయండి" అంటూ ఆమె సుమన్ టీవీకి పంపిన వీడియోలో కన్నీరుమున్నీరయ్యారు. ప్రస్తుతం తాను యజమానులకు తెలియకుండా బాత్రూంలో దాక్కొని మాట్లాడుతున్నానని, బయట తలుపులు కొడుతున్నారని భయాందోళన వ్యక్తం చేశారు.
తనకు ఇద్దరు పిల్లలు ఉన్నారని, వారి కోసమే తాను ఇక్కడికి వచ్చానని, కానీ ఇక్కడ పరిస్థితులు దారుణంగా ఉన్నాయని తెలిపారు. "ఇక్కడ ఆరుగురు పిల్లలు, ఒక ఏడాది బిడ్డ, మొత్తం ఎనిమిది మంది పెద్దవాళ్లు ఉన్నారు. అందరి పనీ నేనే చేయాలి. వాళ్ల వేధింపులు తట్టుకోలేకపోతున్నాను" అని ఆమె తన గోడు వెళ్లబోసుకున్నారు. తాను ఇండియాకు వెళ్లిపోతానంటే, రెండు వేల కువైటీ దినార్లు కడితేనే పంపిస్తామని యజమానులు బెదిరిస్తున్నారని, తన వద్ద అంత డబ్బు లేదని ఆమె ఆవేదన వ్యక్తం చేశారు.
నెల జీతం 110 దినార్లు ఇస్తామని చెప్పారని, ఇప్పటివరకు ఒక నెల జీతం మాత్రమే అడిగి అడిగి తీసుకున్నానని ఆమె తెలిపారు. తన తల్లిదండ్రులు వంబాల కృష్ణయ్య, పార్వతి గేరంపల్లిలో ఉన్నారని, పిల్లల భవిష్యత్తు కోసమే తాను ఈ కష్టాలు పడుతున్నానని చెప్పారు. ఏజెంట్ సురేష్‌ను సంప్రదించేందుకు ప్రయత్నించగా, అతను కూడా సరిగా స్పందించడం లేదని, తిడుతున్నాడని ఆమె ఆరోపించారు.
తనను ఎలాగైనా ఈ నరకం నుంచి బయటపడేసి, ఇండియాకు సురక్షితంగా తీసుకురావాలని మంత్రి నారా లోకేశ్ ను, ఏపీ ప్రభుత్వాన్ని పుష్ప వేడుకున్నారు. ఆత్మహత్య చేసుకోవాలనే ఆలోచనలు కూడా వస్తున్నాయని, కానీ పిల్లల కోసమే ధైర్యం తెచ్చుకుంటున్నానని ఆమె ఆవేదనతో తెలిపారు.
