Rishab Shetty: కాంతార చాప్టర్-1 షూటింగ్ లో బోటు ప్రమాదం!
- కాంతార చాప్టర్ 1 ప్రాజెక్టుకు వరుస ప్రమాదాలు
- గత ఏడాది జూనియర్ ఆర్టిస్ట్ లు ప్రయాణిస్తున్న వ్యాన్ కు ప్రమాదం
- నదిలో కొట్టుకుపోయి కపిల్ అనే నటుడు మృతి
- కొన్నిరోజుల వ్యవధిలో ఇద్దరు నటులు గుండెపోటుతో కన్నుమూత
- తాజాగా బోటు ప్రమాదం నుంచి బయటపడ్డ రిషబ్ శెట్టి, చిత్రబృందం
కన్నడ నటుడు రిషబ్ శెట్టి నటిస్తున్న మోస్ట్ అవైటెడ్ ప్రాజెక్టు కాంతార చాప్టర్ 1కి వరుస ప్రమాదాలు జరుగుతుండటం చిత్ర బృందాన్ని ఆందోళనకు గురిచేస్తోంది. ఈ చిత్రంలో నటిస్తున్న జూనియర్ ఆర్టిస్టులు ప్రయాణిస్తున్న వ్యాన్ గత ఏడాది ప్రమాదానికి గురైంది. ఆ తర్వాత కొన్ని రోజులకే ఈ చిత్రంలో నటిస్తున్న కపిల్ అనే నటుడు నదిలో కొట్టుకుపోయి మృతి చెందాడు.
అదే నెలలో రాకేశ్ పూజారి అనే మరో నటుడు గుండెపోటుతో చనిపోగా, మొన్న మిమిక్రీ ఆర్టిస్ట్ కళాభవన్ నిజూ (43) గుండెపోటుతో కన్నుమూశాడు. ఈ విషాద ఘటనలు మరువకముందే మరో ప్రమాదం జరిగింది. తాజాగా జరిగిన బోటు ప్రమాదంలో నటుడు రిషబ్ శెట్టి కూడా ఉన్నారు.
ప్రస్తుతం ఈ సినిమా షూటింగ్ కర్ణాటకలోని మాణి జలాశయం వద్ద జరుగుతుండగా, షూటింగ్‌లో పాల్గొన్న నటుడు రిషబ్ శెట్టితో పాటు 30 మంది ఆర్టిస్టులు కలిసి ప్రయాణిస్తున్న బోటు ప్రమాదానికి గురైనట్లు సమాచారం.
దీంతో అందులో ప్రయాణిస్తున్న వారంతా ఈదుకుంటూ ఒడ్డుకు చేరుకున్నారు. ఈ ప్రమాదంలో కెమెరాతో పాటు సాంకేతిక పరికరాలు కొట్టుకుపోగా, రిషబ్‌తో పాటు పలువురు నటులు ప్రమాదం నుంచి సురక్షితంగా బయటపడ్డారు.
అదే నెలలో రాకేశ్ పూజారి అనే మరో నటుడు గుండెపోటుతో చనిపోగా, మొన్న మిమిక్రీ ఆర్టిస్ట్ కళాభవన్ నిజూ (43) గుండెపోటుతో కన్నుమూశాడు. ఈ విషాద ఘటనలు మరువకముందే మరో ప్రమాదం జరిగింది. తాజాగా జరిగిన బోటు ప్రమాదంలో నటుడు రిషబ్ శెట్టి కూడా ఉన్నారు.
ప్రస్తుతం ఈ సినిమా షూటింగ్ కర్ణాటకలోని మాణి జలాశయం వద్ద జరుగుతుండగా, షూటింగ్‌లో పాల్గొన్న నటుడు రిషబ్ శెట్టితో పాటు 30 మంది ఆర్టిస్టులు కలిసి ప్రయాణిస్తున్న బోటు ప్రమాదానికి గురైనట్లు సమాచారం.
దీంతో అందులో ప్రయాణిస్తున్న వారంతా ఈదుకుంటూ ఒడ్డుకు చేరుకున్నారు. ఈ ప్రమాదంలో కెమెరాతో పాటు సాంకేతిక పరికరాలు కొట్టుకుపోగా, రిషబ్‌తో పాటు పలువురు నటులు ప్రమాదం నుంచి సురక్షితంగా బయటపడ్డారు.
