Perni Nani: పేర్ని నానిపై అరెస్ట్ వారెంట్..!

వైసీపీ కీలక నేత, మాజీ మంత్రి పేర్ని నానికి అరెస్టు వారెంట్ జారీ అయింది. మచిలీపట్నం కోర్టు బెయిలబుల్ అరెస్టు వారెంట్ జారీ చేసింది. 2019లో టీడీపీ కార్యకర్తలు చందు, శ్రీహర్షలపై పోలీసులు కేసు నమోదు చేశారు.

ఈ కేసులో పేర్ని నాని సాక్షిగా ఉన్నారు. విచారణకు హాజరు కావాలని న్యాయస్థానం ఆయనకు పలుమార్లు ఆదేశించినా, ఆయన కోర్టు వాయిదాలకు గైర్హాజరయ్యారు. దీంతో మచిలీపట్నం కోర్టు న్యాయమూర్తి సీరియస్ అయ్యారు. తదుపరి విచారణకు పేర్ని నానిని హాజరు పరచాలంటూ పోలీసులను ఆదేశిస్తూ అరెస్టు వారెంట్ జారీ చేశారు.

తదుపరి విచారణను సెప్టెంబర్ 19వ తేదీకి న్యాయస్థానం వాయిదా వేసింది.