Suryakumar Yadav: టీమిండియా కెప్టెన్ సూర్యకుమార్ యాదవ్‌కు సర్జరీ
- కుడివైపు పొత్తికడుపు కింది భాగంలో స్పోర్ట్స్ హెర్నియాకు ఆపరేషన్
- సర్జరీ విజయవంతమైందని ఇన్‌స్టాగ్రామ్‌లో వెల్లడించిన సూర్య
- ప్రస్తుతం కోలుకుంటున్నానని, త్వరలోనే తిరిగి వస్తానని ప్రకటన
భారత టీ20 క్రికెట్ జట్టు కెప్టెన్ సూర్యకుమార్ యాదవ్ విజయవంతంగా శస్త్రచికిత్స చేయించుకున్నాడు. సూర్య కొంతకాలంగా స్పోర్ట్స్ హెర్నియా సమస్యతో బాధపడుతున్న విషయం తెలిసిందే. ఈ క్రమంలో ఆయనకు కుడివైపు పొత్తికడుపు కింది భాగంలో వైద్యులు సర్జరీ నిర్వహించారు. ఈ విషయాన్ని సూర్యకుమార్ యాదవ్ స్వయంగా తన ఇన్‌స్టాగ్రామ్ ఖాతా ద్వారా అభిమానులతో పంచుకున్నాడు.
శస్త్రచికిత్స సజావుగా జరిగిందని, తాను ప్రస్తుతం కోలుకుంటున్నానని సూర్యకుమార్ తెలిపాడు. "నాకు స్పోర్ట్స్ హెర్నియాకు సంబంధించి కుడివైపు పొత్తికడుపు కింది భాగంలో శస్త్రచికిత్స జరిగింది. సర్జరీ సాఫీగా పూర్తయినందుకు సంతోషంగా ఉంది. ప్రస్తుతం కోలుకుంటున్నాను. మళ్లీ మైదానంలోకి తిరిగి రావడానికి ఆత్రుతగా ఎదురుచూస్తున్నాను" అని సూర్య తన పోస్టులో పేర్కొన్నాడు.
ఈ వార్తతో సూర్యకుమార్ యాదవ్ అభిమానులు ఊపిరి పీల్చుకున్నారు. ఆయన త్వరగా కోలుకుని, తిరిగి భారత జట్టులోకి రావాలని ఆకాంక్షిస్తున్నారు. సూర్యకుమార్ యాదవ్ భారత జట్టులో కీలక ఆటగాడిగా, ముఖ్యంగా టీ20 ఫార్మాట్‌లో తనదైన దూకుడైన బ్యాటింగ్‌తో ప్రత్యేక గుర్తింపు పొందాడు. ఆయన త్వరగా కోలుకుని పూర్తి ఫిట్‌నెస్‌తో మైదానంలోకి అడుగుపెట్టాలని క్రీడాభిమానులు కోరుకుంటున్నారు.
కాగా, సర్జరీ కార‌ణంగా ఆగ‌స్టులో బంగ్లాదేశ్‌తో జ‌రిగే టీ20 సిరీస్‌కు సూర్య దూర‌మ‌య్యే అవ‌కాశం ఉంది. అత‌ని స్థానంలో శ్రేయ‌స్ అయ్య‌ర్ కెప్టెన్సీ చేయొచ్చ‌ని స‌మాచారం.
శస్త్రచికిత్స సజావుగా జరిగిందని, తాను ప్రస్తుతం కోలుకుంటున్నానని సూర్యకుమార్ తెలిపాడు. "నాకు స్పోర్ట్స్ హెర్నియాకు సంబంధించి కుడివైపు పొత్తికడుపు కింది భాగంలో శస్త్రచికిత్స జరిగింది. సర్జరీ సాఫీగా పూర్తయినందుకు సంతోషంగా ఉంది. ప్రస్తుతం కోలుకుంటున్నాను. మళ్లీ మైదానంలోకి తిరిగి రావడానికి ఆత్రుతగా ఎదురుచూస్తున్నాను" అని సూర్య తన పోస్టులో పేర్కొన్నాడు.
ఈ వార్తతో సూర్యకుమార్ యాదవ్ అభిమానులు ఊపిరి పీల్చుకున్నారు. ఆయన త్వరగా కోలుకుని, తిరిగి భారత జట్టులోకి రావాలని ఆకాంక్షిస్తున్నారు. సూర్యకుమార్ యాదవ్ భారత జట్టులో కీలక ఆటగాడిగా, ముఖ్యంగా టీ20 ఫార్మాట్‌లో తనదైన దూకుడైన బ్యాటింగ్‌తో ప్రత్యేక గుర్తింపు పొందాడు. ఆయన త్వరగా కోలుకుని పూర్తి ఫిట్‌నెస్‌తో మైదానంలోకి అడుగుపెట్టాలని క్రీడాభిమానులు కోరుకుంటున్నారు.
కాగా, సర్జరీ కార‌ణంగా ఆగ‌స్టులో బంగ్లాదేశ్‌తో జ‌రిగే టీ20 సిరీస్‌కు సూర్య దూర‌మ‌య్యే అవ‌కాశం ఉంది. అత‌ని స్థానంలో శ్రేయ‌స్ అయ్య‌ర్ కెప్టెన్సీ చేయొచ్చ‌ని స‌మాచారం.
