Jeff Bezos: కుబేరుడి పెళ్లికి ఆటంకాలు.. వెనిస్‌లో బెజోస్‌కు నిరసన సెగ
- జెఫ్ బెజోస్, లారెన్ శాంచెజ్‌ల వివాహం వెనిస్‌లో జరిపేందుకు ఏర్పాట్లు
- అధిక పన్నులు, పర్యాటకుల రద్దీపై స్థానికుల తీవ్ర నిరసన
- 'నో స్పేస్ ఫర్ బెజోస్' నినాదాలతో ఆందోళనలు ఉధృతం
- భద్రతా కారణాలతో పెళ్లి వేదికను వెనిస్ శివార్లకు మార్చినట్లు సమాచారం
ప్రపంచ కుబేరుల్లో ఒకరైన అమెజాన్ వ్యవస్థాపకుడు జెఫ్ బెజోస్, ప్రముఖ జర్నలిస్ట్ లారెన్ శాంచెజ్‌ల వివాహ వేడుకకు అడ్డంకులు ఎదురవుతున్నాయి. ఇటలీలోని సుందర నగరం వెనిస్‌లో జరగాల్సిన ఈ కార్యక్రమానికి వ్యతిరేకంగా స్థానికుల నుంచి తీవ్ర నిరసనలు వ్యక్తమవుతున్నాయి. దీంతో వివాహ వేదికను మార్చాల్సిన పరిస్థితి తలెత్తినట్లు తెలుస్తోంది.
'నో స్పేస్ ఫర్ బెజోస్' అంటూ స్థానికుల ఆందోళనలు
వెనిస్ నగరంలో జెఫ్ బెజోస్, లారెన్ శాంచెజ్‌ల వివాహాన్ని మూడు రోజుల పాటు అత్యంత వైభవంగా నిర్వహించేందుకు భారీ ఏర్పాట్లు చేస్తున్నట్లు సమాచారం. అయితే, ఈ వేడుకపై స్థానిక ప్రజలు తీవ్ర అసంతృప్తి వ్యక్తం చేస్తున్నారు. ఇప్పటికే నగరంలో పర్యాటకుల తాకిడి ఎక్కువగా ఉందని, దీనికి తోడు సంపన్నుల వివాహంతో సెలబ్రిటీల రాకపోకలు పెరిగి నగరం స్తంభించిపోతుందని వారు ఆందోళన చెందుతున్నారు.
ఈ నేప‌థ్యంలో 'నో స్పేస్ ఫర్ బెజోస్' (బెజోస్‌కు చోటు లేదు) అనే నినాదాలతో ఆందోళన కార్యక్రమాలు చేపట్టారు. నగరంలోని ప్రధాన కాలువలు, సెంట్రల్ వెనిస్‌లోని పలు పర్యాటక ప్రాంతాలను దిగ్బంధించాలని నిరసనకారులు పిలుపునిచ్చారు. బెజోస్ చిత్రాలతో కూడిన భారీ బ్యానర్లను నగరంలో పలుచోట్ల ఏర్పాటు చేశారు.
ఆందోళనలతో వేదిక మార్పు!
కొంతకాలంగా వెనిస్‌లో సంపన్నుల నుంచి అధిక పన్నులు వసూలు చేయాలనే డిమాండ్‌తో ఆందోళనలు జరుగుతున్నాయి. బెజోస్ వివాహంతో ఈ నిరసనలు మరింత ఉధృతమయ్యాయి. వివాహం మరుసటి రోజు నూతన దంపతులు పార్టీ నిర్వహించాలనుకున్న ప్రాంతంలో కూడా ఆందోళనలకు పిలుపునివ్వడంతో నిర్వాహకులు పునరాలోచనలో పడ్డారు. భద్రతా కారణాల దృష్ట్యా, ముందుజాగ్రత్త చర్యగా వివాహ వేదికను వెనిస్ శివార్లలోని సురక్షిత ప్రాంతానికి తరలించినట్లు సమాచారం.
మేయర్ మద్దతు.. నిర్వాహకుల వివరణ
అయితే, వెనిస్ మేయర్ మాత్రం ఈ సెలబ్రిటీ వివాహానికి మద్దతు తెలిపారు. ఈ వేడుక వల్ల స్థానికంగా వ్యాపారం బాగా జరుగుతుందని, ముఖ్యంగా ఆతిథ్య, రవాణా రంగాలకు ఎంతో ప్రయోజనం చేకూరుతుందని ఆయన అన్నారు. వివాహానికి అవసరమైన వస్తువుల్లో 80 శాతం స్థానిక విక్రేతల నుంచే సేకరించనున్నట్లు నిర్వాహకులు ప్రకటించారు. ఈ కార్యక్రమానికి కేవలం 200 మంది మాత్రమే హాజరవుతారని స్థానిక అధికారులు కూడా వెల్లడించారు.
గతంలో జర్నలిస్టుగా పనిచేసిన లారెన్ శాంచెజ్ (54), జెఫ్ బెజోస్‌లు 2018 నుంచి డేటింగ్‌లో ఉన్నారు. అయితే, ఈ విషయం 2019 వరకు బయటకు రాలేదు. అదే ఏడాది తన భార్య మెకంజీ స్కాట్‌తో బెజోస్ విడాకులు తీసుకున్నారు. ఆ త‌ర్వాత గతేడాది లారెన్ శాంచెజ్‌తో బెజోస్ నిశ్చితార్థం చేసుకున్న సంగతి తెలిసిందే.
'నో స్పేస్ ఫర్ బెజోస్' అంటూ స్థానికుల ఆందోళనలు
వెనిస్ నగరంలో జెఫ్ బెజోస్, లారెన్ శాంచెజ్‌ల వివాహాన్ని మూడు రోజుల పాటు అత్యంత వైభవంగా నిర్వహించేందుకు భారీ ఏర్పాట్లు చేస్తున్నట్లు సమాచారం. అయితే, ఈ వేడుకపై స్థానిక ప్రజలు తీవ్ర అసంతృప్తి వ్యక్తం చేస్తున్నారు. ఇప్పటికే నగరంలో పర్యాటకుల తాకిడి ఎక్కువగా ఉందని, దీనికి తోడు సంపన్నుల వివాహంతో సెలబ్రిటీల రాకపోకలు పెరిగి నగరం స్తంభించిపోతుందని వారు ఆందోళన చెందుతున్నారు.
ఈ నేప‌థ్యంలో 'నో స్పేస్ ఫర్ బెజోస్' (బెజోస్‌కు చోటు లేదు) అనే నినాదాలతో ఆందోళన కార్యక్రమాలు చేపట్టారు. నగరంలోని ప్రధాన కాలువలు, సెంట్రల్ వెనిస్‌లోని పలు పర్యాటక ప్రాంతాలను దిగ్బంధించాలని నిరసనకారులు పిలుపునిచ్చారు. బెజోస్ చిత్రాలతో కూడిన భారీ బ్యానర్లను నగరంలో పలుచోట్ల ఏర్పాటు చేశారు.
ఆందోళనలతో వేదిక మార్పు!
కొంతకాలంగా వెనిస్‌లో సంపన్నుల నుంచి అధిక పన్నులు వసూలు చేయాలనే డిమాండ్‌తో ఆందోళనలు జరుగుతున్నాయి. బెజోస్ వివాహంతో ఈ నిరసనలు మరింత ఉధృతమయ్యాయి. వివాహం మరుసటి రోజు నూతన దంపతులు పార్టీ నిర్వహించాలనుకున్న ప్రాంతంలో కూడా ఆందోళనలకు పిలుపునివ్వడంతో నిర్వాహకులు పునరాలోచనలో పడ్డారు. భద్రతా కారణాల దృష్ట్యా, ముందుజాగ్రత్త చర్యగా వివాహ వేదికను వెనిస్ శివార్లలోని సురక్షిత ప్రాంతానికి తరలించినట్లు సమాచారం.
మేయర్ మద్దతు.. నిర్వాహకుల వివరణ
అయితే, వెనిస్ మేయర్ మాత్రం ఈ సెలబ్రిటీ వివాహానికి మద్దతు తెలిపారు. ఈ వేడుక వల్ల స్థానికంగా వ్యాపారం బాగా జరుగుతుందని, ముఖ్యంగా ఆతిథ్య, రవాణా రంగాలకు ఎంతో ప్రయోజనం చేకూరుతుందని ఆయన అన్నారు. వివాహానికి అవసరమైన వస్తువుల్లో 80 శాతం స్థానిక విక్రేతల నుంచే సేకరించనున్నట్లు నిర్వాహకులు ప్రకటించారు. ఈ కార్యక్రమానికి కేవలం 200 మంది మాత్రమే హాజరవుతారని స్థానిక అధికారులు కూడా వెల్లడించారు.
గతంలో జర్నలిస్టుగా పనిచేసిన లారెన్ శాంచెజ్ (54), జెఫ్ బెజోస్‌లు 2018 నుంచి డేటింగ్‌లో ఉన్నారు. అయితే, ఈ విషయం 2019 వరకు బయటకు రాలేదు. అదే ఏడాది తన భార్య మెకంజీ స్కాట్‌తో బెజోస్ విడాకులు తీసుకున్నారు. ఆ త‌ర్వాత గతేడాది లారెన్ శాంచెజ్‌తో బెజోస్ నిశ్చితార్థం చేసుకున్న సంగతి తెలిసిందే.
