Pashamylaram Fire Accident: పాశమైలారం ప్రమాద ఘటన.. సీఎస్ నేతృత్వంలో కమిటీ
- సంగారెడ్డి ఫ్యాక్టరీ ప్రమాదంపై సీఎం రేవంత్ తీవ్ర దిగ్భ్రాంతి
- సీఎస్ నేతృత్వంలో సహాయక చర్యల పర్యవేక్షణకు కమిటీ ఏర్పాటు
- క్షేత్రస్థాయిలో పరిస్థితిపై మంత్రులతో ఎప్పటికప్పుడు సమీక్ష
- మృతుల కుటుంబాలను అన్ని విధాలా ఆదుకోవాలని అధికారులకు ఆదేశం
- రేపు ఉదయం 10 గంటలకు ఘటనా స్థలానికి వెళ్లనున్న సీఎం
సంగారెడ్డి జిల్లా పాశమైలారం పారిశ్రామిక వాడలో జరిగిన ఘోర అగ్ని ప్రమాదంపై సీఎం రేవంత్ రెడ్డి తీవ్ర దిగ్భ్రాంతి వ్యక్తం చేశారు. ఈ దురదృష్టకర ఘటనపై తక్షణమే స్పందించిన ఆయన, సహాయక చర్యలను పర్యవేక్షించేందుకు ఉన్నతస్థాయి కమిటీని ఏర్పాటు చేస్తూ కీలక నిర్ణయం తీసుకున్నారు. ప్రభుత్వ ప్రధాన కార్యదర్శి రామ‌కృష్ణారావు ఈ కమిటీకి నేతృత్వం వహించనున్నారు.
ఈ కమిటీలో సభ్యులుగా డీఆర్‌ఎఫ్‌ ప్రత్యేక ప్రధాన కార్యదర్శి, కార్మిక శాఖ ప్రధాన కార్యదర్శిని నియమిస్తూ ప్రభుత్వం ఉత్తర్వులు జారీ చేసింది. సహాయక చర్యలను సమన్వయం చేయడంతో పాటు భవిష్యత్తులో ఇలాంటి పెను ప్రమాదాలు పునరావృతం కాకుండా తీసుకోవాల్సిన శాశ్వత చర్యలపై ప్రభుత్వానికి ఈ కమిటీ సిఫార్సులు చేయనుంది. క్షేత్రస్థాయిలో జరుగుతున్న సహాయక కార్యక్రమాల పురోగతిని సీఎం రేవంత్ రెడ్డి స్వయంగా పర్యవేక్షిస్తున్నారు. ప్రమాద తీవ్రత, తాజా పరిస్థితులపై మంత్రులు దామోదర రాజనర్సింహ, వివేక్‌లతో ఫోన్‌లో మాట్లాడి వివరాలు తెలుసుకున్నారు.
ప్రమాదంలో చిక్కుకున్న వారిని రక్షించేందుకు సహాయక చర్యలను మరింత ముమ్మరం చేయాలని, ఏమాత్రం ఆలస్యం చేయవద్దని సీఎం అధికారులను ఆదేశించారు. ఈ ఘోర ప్రమాదంలో ప్రాణాలు కోల్పోయిన కార్మికుల కుటుంబాలకు ప్రభుత్వం అన్ని విధాలుగా అండగా నిలుస్తుందని ఆయన భరోసా ఇచ్చారు. మృతుల కుటుంబాలను ఆదుకునేందుకు అవసరమైన అన్ని రకాల చర్యలు వెంటనే చేపట్టాలని సంబంధిత అధికారులకు స్పష్టమైన ఆదేశాలు జారీ చేశారు.
ఈ నేపథ్యంలో సీఎం రేవంత్ రెడ్డి స్వయంగా ఘటనా స్థలాన్ని సందర్శించనున్నారు. మంగళవారం ఉదయం 10 గంటలకు ఆయన పాశమైలారంలోని ప్రమాద స్థలానికి చేరుకుని, అక్కడి పరిస్థితులను పరిశీలించి, బాధితులను ప‌రామ‌ర్శించ‌నున్నారు.
ఈ కమిటీలో సభ్యులుగా డీఆర్‌ఎఫ్‌ ప్రత్యేక ప్రధాన కార్యదర్శి, కార్మిక శాఖ ప్రధాన కార్యదర్శిని నియమిస్తూ ప్రభుత్వం ఉత్తర్వులు జారీ చేసింది. సహాయక చర్యలను సమన్వయం చేయడంతో పాటు భవిష్యత్తులో ఇలాంటి పెను ప్రమాదాలు పునరావృతం కాకుండా తీసుకోవాల్సిన శాశ్వత చర్యలపై ప్రభుత్వానికి ఈ కమిటీ సిఫార్సులు చేయనుంది. క్షేత్రస్థాయిలో జరుగుతున్న సహాయక కార్యక్రమాల పురోగతిని సీఎం రేవంత్ రెడ్డి స్వయంగా పర్యవేక్షిస్తున్నారు. ప్రమాద తీవ్రత, తాజా పరిస్థితులపై మంత్రులు దామోదర రాజనర్సింహ, వివేక్‌లతో ఫోన్‌లో మాట్లాడి వివరాలు తెలుసుకున్నారు.
ప్రమాదంలో చిక్కుకున్న వారిని రక్షించేందుకు సహాయక చర్యలను మరింత ముమ్మరం చేయాలని, ఏమాత్రం ఆలస్యం చేయవద్దని సీఎం అధికారులను ఆదేశించారు. ఈ ఘోర ప్రమాదంలో ప్రాణాలు కోల్పోయిన కార్మికుల కుటుంబాలకు ప్రభుత్వం అన్ని విధాలుగా అండగా నిలుస్తుందని ఆయన భరోసా ఇచ్చారు. మృతుల కుటుంబాలను ఆదుకునేందుకు అవసరమైన అన్ని రకాల చర్యలు వెంటనే చేపట్టాలని సంబంధిత అధికారులకు స్పష్టమైన ఆదేశాలు జారీ చేశారు.
ఈ నేపథ్యంలో సీఎం రేవంత్ రెడ్డి స్వయంగా ఘటనా స్థలాన్ని సందర్శించనున్నారు. మంగళవారం ఉదయం 10 గంటలకు ఆయన పాశమైలారంలోని ప్రమాద స్థలానికి చేరుకుని, అక్కడి పరిస్థితులను పరిశీలించి, బాధితులను ప‌రామ‌ర్శించ‌నున్నారు.
