Kareena Kapoor: 35 ఏళ్ల తర్వాత మళ్లీ కలిశారు.. తల్లిదండ్రులపై కరీనా కపూర్ ఆసక్తికర వ్యాఖ్యలు
- తన తల్లిదండ్రులు కలవడం దైవ సంకల్పం అన్న కరీనా
- అభిప్రాయ భేదాలతో 1988లో విడిపోయిన రణ్‌ధీర్, బబిత
- విడిపోయినా విడాకులు తీసుకోని కపూర్ దంపతులు
బాలీవుడ్ సీనియర్ నటుడు రణ్‌ధీర్ కపూర్, ఆయన భార్య బబిత గురించి వారి కుమార్తె, స్టార్ హీరోయిన్ కరీనా కపూర్ ఆసక్తికరమైన విషయాలను పంచుకున్నారు. దశాబ్దాలుగా విడివిడిగా ఉంటున్న తన తల్లిదండ్రులు మళ్లీ ఒక్కటయ్యారని, తమ వృద్ధాప్యాన్ని కలిసి గడపాలని నిర్ణయించుకున్నారని ఆమె వెల్లడించారు. ఇటీవల బర్ఖా దత్‌తో జరిగిన ఒక సంభాషణలో కరీనా ఈ విషయాలను తెలిపారు.
తన తల్లిదండ్రులు మళ్లీ కలిసి ఉండాలనే నిర్ణయం తీసుకోవడంపై కరీనా స్పందిస్తూ, "నాకు, నా సోదరి కరిష్మాకు ఇది ఒక జీవితచక్రం పూర్తికావడం లాంటిది. ఇది ఒక దైవిక జోక్యంలా, దైవ సంకల్పంలా జరిగింది. వారిద్దరూ ఎవరికి వారుగా అద్భుతమైన తల్లిదండ్రులు. నేను నా జీవితంలో ఏది చేయాలనుకున్నా మా నాన్న ఎప్పుడూ మద్దతుగా నిలిచారు" అని అన్నారు. "వారి జీవిత ప్రయాణం ఎక్కడ మొదలైందో, మళ్లీ సరిగ్గా అక్కడికే చేరింది" అని కరీనా వివరించారు.
రణ్‌ధీర్ కపూర్, బబిత ప్రేమించి పెళ్లి చేసుకున్నారు. రాజ్ కపూర్ చిత్రం 'సంగమ్' సెట్స్‌లో బబితను చూసిన రణ్‌ధీర్ ఆమెతో ప్రేమలో పడ్డారు. ఇరు కుటుంబాల అంగీకారంతో 1971 నవంబరులో వీరి వివాహం జరిగింది. అయితే, వ్యక్తిగత అభిప్రాయ భేదాల కారణంగా పెళ్లైన కొన్నేళ్లకే వారి మధ్య దూరం పెరిగింది. 1988లో రణ్‌ధీర్ తన తల్లిదండ్రుల ఇంటికి తిరిగి వెళ్లిపోయారు. అప్పటి నుంచి ఇద్దరూ విడివిడిగానే ఉంటున్నారు కానీ, చట్టపరంగా విడాకులు మాత్రం తీసుకోలేదు.
గతంలో ఒక ఇంటర్వ్యూలో రణ్‌ధీర్ మాట్లాడుతూ, "నేను ఎక్కువగా మద్యం తాగుతానని, ఇంటికి ఆలస్యంగా వస్తానని ఆమె భావించేది. ఆ విషయం ఆమెకు నచ్చేది కాదు. ఆమె కోరుకున్నట్లుగా నేను జీవించలేకపోయాను. ప్రేమ వివాహం అయినప్పటికీ ఆమె నన్ను నేనుగా అంగీకరించలేకపోయింది. అందుకే విడిపోయాం. మాకు ఇద్దరు అద్భుతమైన పిల్లలు ఉన్నారు. ఆమె వారిని ఉత్తమంగా పెంచింది. వాళ్లిద్దరూ తమ కెరీర్‌లో ఉన్నత స్థాయికి చేరుకున్నారు. ఒక తండ్రిగా అంతకంటే నాకు ఇంకేం కావాలి?" అని తెలిపారు.
ఈ సందర్భంగా తన తల్లి బబిత గురించి కరీనా గొప్పగా చెప్పారు. కపూర్ కుటుంబం నుంచి సినిమాల్లోకి వచ్చిన తొలి మహిళగా నిలిచిన కరిష్మా కెరీర్ కోసం తన తల్లి ఎంతో కష్టపడ్డారని గుర్తుచేసుకున్నారు. ఆ విషయంలో తన తండ్రి కూడా తల్లి నిర్ణయాన్ని అంగీకరించాల్సి వచ్చిందని ఆమె పేర్కొన్నారు. "ఒక వివాహ బంధంలో, పిల్లల సంరక్షణలో తల్లి పాత్రే కీలకమని భర్త గ్రహించాలి. భర్త గనుక తల్లికి సానుకూలంగా మద్దతు ఇస్తే, అద్భుతమైన పిల్లలను పెంచవచ్చు. పురుషులు.. తల్లి చేసే పనులను గుర్తించి, ఆమెకు ఇవ్వవలసిన మద్దతు, గౌరవం ఇవ్వాలి" అని కరీనా అన్నారు. ప్రపంచంలో అందరి తల్లిదండ్రుల లాగే, తన తల్లిదండ్రులే తనకు అత్యుత్తమమని ఆమె పేర్కొన్నారు.
తన తల్లిదండ్రులు మళ్లీ కలిసి ఉండాలనే నిర్ణయం తీసుకోవడంపై కరీనా స్పందిస్తూ, "నాకు, నా సోదరి కరిష్మాకు ఇది ఒక జీవితచక్రం పూర్తికావడం లాంటిది. ఇది ఒక దైవిక జోక్యంలా, దైవ సంకల్పంలా జరిగింది. వారిద్దరూ ఎవరికి వారుగా అద్భుతమైన తల్లిదండ్రులు. నేను నా జీవితంలో ఏది చేయాలనుకున్నా మా నాన్న ఎప్పుడూ మద్దతుగా నిలిచారు" అని అన్నారు. "వారి జీవిత ప్రయాణం ఎక్కడ మొదలైందో, మళ్లీ సరిగ్గా అక్కడికే చేరింది" అని కరీనా వివరించారు.
రణ్‌ధీర్ కపూర్, బబిత ప్రేమించి పెళ్లి చేసుకున్నారు. రాజ్ కపూర్ చిత్రం 'సంగమ్' సెట్స్‌లో బబితను చూసిన రణ్‌ధీర్ ఆమెతో ప్రేమలో పడ్డారు. ఇరు కుటుంబాల అంగీకారంతో 1971 నవంబరులో వీరి వివాహం జరిగింది. అయితే, వ్యక్తిగత అభిప్రాయ భేదాల కారణంగా పెళ్లైన కొన్నేళ్లకే వారి మధ్య దూరం పెరిగింది. 1988లో రణ్‌ధీర్ తన తల్లిదండ్రుల ఇంటికి తిరిగి వెళ్లిపోయారు. అప్పటి నుంచి ఇద్దరూ విడివిడిగానే ఉంటున్నారు కానీ, చట్టపరంగా విడాకులు మాత్రం తీసుకోలేదు.
గతంలో ఒక ఇంటర్వ్యూలో రణ్‌ధీర్ మాట్లాడుతూ, "నేను ఎక్కువగా మద్యం తాగుతానని, ఇంటికి ఆలస్యంగా వస్తానని ఆమె భావించేది. ఆ విషయం ఆమెకు నచ్చేది కాదు. ఆమె కోరుకున్నట్లుగా నేను జీవించలేకపోయాను. ప్రేమ వివాహం అయినప్పటికీ ఆమె నన్ను నేనుగా అంగీకరించలేకపోయింది. అందుకే విడిపోయాం. మాకు ఇద్దరు అద్భుతమైన పిల్లలు ఉన్నారు. ఆమె వారిని ఉత్తమంగా పెంచింది. వాళ్లిద్దరూ తమ కెరీర్‌లో ఉన్నత స్థాయికి చేరుకున్నారు. ఒక తండ్రిగా అంతకంటే నాకు ఇంకేం కావాలి?" అని తెలిపారు.
ఈ సందర్భంగా తన తల్లి బబిత గురించి కరీనా గొప్పగా చెప్పారు. కపూర్ కుటుంబం నుంచి సినిమాల్లోకి వచ్చిన తొలి మహిళగా నిలిచిన కరిష్మా కెరీర్ కోసం తన తల్లి ఎంతో కష్టపడ్డారని గుర్తుచేసుకున్నారు. ఆ విషయంలో తన తండ్రి కూడా తల్లి నిర్ణయాన్ని అంగీకరించాల్సి వచ్చిందని ఆమె పేర్కొన్నారు. "ఒక వివాహ బంధంలో, పిల్లల సంరక్షణలో తల్లి పాత్రే కీలకమని భర్త గ్రహించాలి. భర్త గనుక తల్లికి సానుకూలంగా మద్దతు ఇస్తే, అద్భుతమైన పిల్లలను పెంచవచ్చు. పురుషులు.. తల్లి చేసే పనులను గుర్తించి, ఆమెకు ఇవ్వవలసిన మద్దతు, గౌరవం ఇవ్వాలి" అని కరీనా అన్నారు. ప్రపంచంలో అందరి తల్లిదండ్రుల లాగే, తన తల్లిదండ్రులే తనకు అత్యుత్తమమని ఆమె పేర్కొన్నారు.
