Donald Trump: ట్రంప్ ఎఫెక్ట్: అమెరికాలోకి భారీగా తగ్గిన భారత అక్రమ వలసలు
- అమెరికాలోకి భారతీయుల అక్రమ వలసలు 70 శాతం తగ్గుదల
- ఈ ఏడాది తొలి ఐదు నెలల్లో 10,382 మంది అరెస్ట్
- ట్రంప్ హయాంలో కఠినంగా మారిన సరిహద్దు భద్రత
- అమెరికాలో అధికారిక పత్రాలు లేకుండా 2.2 లక్షల మంది భారతీయులు
అమెరికాలో అక్రమంగా ప్రవేశించేందుకు ప్రయత్నించే భారతీయుల సంఖ్య గణనీయంగా పడిపోయింది. గత సంవత్సరంతో పోలిస్తే ఈసారి అక్రమ వలసలు దాదాపు 70 శాతం తగ్గినట్లు అధికారిక గణాంకాలు స్పష్టం చేస్తున్నాయి. ట్రంప్ హయాంలో సరిహద్దు భద్రతను కట్టుదిట్టం చేయడమే ఇందుకు ప్రధాన కారణం. అయితే, ఈ ప్రమాదకర ప్రయాణాల్లో విషాదాలు కూడా చోటుచేసుకుంటున్నాయి.
అమెరికా కస్టమ్స్ అండ్ బోర్డర్ ప్రొటెక్షన్ (సీబీపీ) విడుదల చేసిన డేటా ప్రకారం, ఈ ఏడాది జనవరి నుంచి మే మధ్య కాలంలో అమెరికా సరిహద్దుల్లో 10,382 మంది భారతీయులను అదుపులోకి తీసుకున్నారు. వీరిలో తల్లిదండ్రుల తోడు లేని 30 మంది మైనర్లు కూడా ఉన్నారు. గత ఏడాది ఇదే సమయంలో పట్టుబడిన భారతీయుల సంఖ్య 34,535గా ఉండగా, ఈ ఏడాది ఆ సంఖ్య భారీగా తగ్గింది. ఒకప్పుడు జో బైడెన్ హయాంలో రోజుకు సగటున 230 మంది భారతీయులు పట్టుబడితే, ప్రస్తుతం ఆ సంఖ్య 69కి పడిపోయింది. అమెరికా అధ్యక్ష ఎన్నికల్లో మార్పులు ఖాయమని తేలడంతో మానవ అక్రమ రవాణా ముఠాలు కూడా తమ కార్యకలాపాలను తగ్గించినట్లు ఒక ఆంగ్ల పత్రిక కథనం వెల్లడించింది.
ఈ అక్రమ వలసల ప్రయాణం ప్రాణాలకే ముప్పుగా మారుతోంది. మే 9న కాలిఫోర్నియాలోని డెల్ మార్ తీరంలో జరిగిన పడవ ప్రమాదంలో 14 ఏళ్ల బాలుడు, 10 ఏళ్ల బాలిక ప్రాణాలు కోల్పోయారు. వీరిద్దరూ భారత్ కు చెందిన అన్నాచెల్లెళ్లుగా గుర్తించారు. మెక్సికో తీరం నుంచి చిన్న పడవల ద్వారా అమెరికా జలాల్లోకి ప్రవేశించేందుకు ప్రయత్నిస్తుండగా ఈ ఘోర ప్రమాదం జరిగింది.
అమెరికా పౌరసత్వం వస్తుందన్న ఆశతో కొందరు తల్లిదండ్రులు తమ పిల్లలను ఒంటరిగా సరిహద్దులు దాటిస్తున్నారు. 2024 ఆర్థిక సంవత్సరంలో ఇలా తల్లిదండ్రుల నుంచి వేరైన 500 మంది మైనర్లను అధికారులు రక్షించారు. వీరిలో ఎక్కువగా 12 నుంచి 17 ఏళ్ల వయసు వారే ఉంటున్నారు. ట్రంప్ ప్రభుత్వం ఇలాంటి చర్యలపై కఠినంగా వ్యవహరిస్తోంది.
డిపార్ట్‌మెంట్ ఆఫ్ హోమ్‌ల్యాండ్ సెక్యూరిటీ (డీహెచ్‌ఎస్) ఏప్రిల్ 2024 నాటి లెక్కల ప్రకారం, అమెరికాలో ఎలాంటి అధికారిక పత్రాలు లేకుండా సుమారు 2.2 లక్షల మంది భారతీయులు నివసిస్తున్నారు. ఈ ఏడాది జనవరి నుంచి ఇప్పటివరకు 332 మందిని అధికారులు గుర్తించి తిరిగి భారత్‌కు పంపించారు. అక్రమ రవాణాదారుల మాటలు నమ్మి ఎందరో భారతీయులు కఠినమైన, ప్రమాదకర మార్గాల్లో ప్రయాణించి అమెరికా చేరుకోవాలని ప్రయత్నించి ప్రాణాల మీదకు తెచ్చుకుంటున్నారు.
అమెరికా కస్టమ్స్ అండ్ బోర్డర్ ప్రొటెక్షన్ (సీబీపీ) విడుదల చేసిన డేటా ప్రకారం, ఈ ఏడాది జనవరి నుంచి మే మధ్య కాలంలో అమెరికా సరిహద్దుల్లో 10,382 మంది భారతీయులను అదుపులోకి తీసుకున్నారు. వీరిలో తల్లిదండ్రుల తోడు లేని 30 మంది మైనర్లు కూడా ఉన్నారు. గత ఏడాది ఇదే సమయంలో పట్టుబడిన భారతీయుల సంఖ్య 34,535గా ఉండగా, ఈ ఏడాది ఆ సంఖ్య భారీగా తగ్గింది. ఒకప్పుడు జో బైడెన్ హయాంలో రోజుకు సగటున 230 మంది భారతీయులు పట్టుబడితే, ప్రస్తుతం ఆ సంఖ్య 69కి పడిపోయింది. అమెరికా అధ్యక్ష ఎన్నికల్లో మార్పులు ఖాయమని తేలడంతో మానవ అక్రమ రవాణా ముఠాలు కూడా తమ కార్యకలాపాలను తగ్గించినట్లు ఒక ఆంగ్ల పత్రిక కథనం వెల్లడించింది.
ఈ అక్రమ వలసల ప్రయాణం ప్రాణాలకే ముప్పుగా మారుతోంది. మే 9న కాలిఫోర్నియాలోని డెల్ మార్ తీరంలో జరిగిన పడవ ప్రమాదంలో 14 ఏళ్ల బాలుడు, 10 ఏళ్ల బాలిక ప్రాణాలు కోల్పోయారు. వీరిద్దరూ భారత్ కు చెందిన అన్నాచెల్లెళ్లుగా గుర్తించారు. మెక్సికో తీరం నుంచి చిన్న పడవల ద్వారా అమెరికా జలాల్లోకి ప్రవేశించేందుకు ప్రయత్నిస్తుండగా ఈ ఘోర ప్రమాదం జరిగింది.
అమెరికా పౌరసత్వం వస్తుందన్న ఆశతో కొందరు తల్లిదండ్రులు తమ పిల్లలను ఒంటరిగా సరిహద్దులు దాటిస్తున్నారు. 2024 ఆర్థిక సంవత్సరంలో ఇలా తల్లిదండ్రుల నుంచి వేరైన 500 మంది మైనర్లను అధికారులు రక్షించారు. వీరిలో ఎక్కువగా 12 నుంచి 17 ఏళ్ల వయసు వారే ఉంటున్నారు. ట్రంప్ ప్రభుత్వం ఇలాంటి చర్యలపై కఠినంగా వ్యవహరిస్తోంది.
డిపార్ట్‌మెంట్ ఆఫ్ హోమ్‌ల్యాండ్ సెక్యూరిటీ (డీహెచ్‌ఎస్) ఏప్రిల్ 2024 నాటి లెక్కల ప్రకారం, అమెరికాలో ఎలాంటి అధికారిక పత్రాలు లేకుండా సుమారు 2.2 లక్షల మంది భారతీయులు నివసిస్తున్నారు. ఈ ఏడాది జనవరి నుంచి ఇప్పటివరకు 332 మందిని అధికారులు గుర్తించి తిరిగి భారత్‌కు పంపించారు. అక్రమ రవాణాదారుల మాటలు నమ్మి ఎందరో భారతీయులు కఠినమైన, ప్రమాదకర మార్గాల్లో ప్రయాణించి అమెరికా చేరుకోవాలని ప్రయత్నించి ప్రాణాల మీదకు తెచ్చుకుంటున్నారు.
