డాక్టర్ పీవీ సత్యనారాయణకు ప్రతిష్ఠాత్మక ఎంఎస్ స్వామినాథన్ అవార్డు
* ఎన్.జి. రంగా వ్యవసాయ విశ్వ‌విద్యాల‌యంలో ప్రిన్సిపల్ సైంటిస్టుగా సత్యనారాయణ
* హైబ్రిడ్ వరి వంగ‌డాల అభివృద్ధిలో కృషికి గుర్తింపు
* రాజేంద్రనగర్ ఐసీఏఆర్ ప్రాంగ‌ణంలో అవార్డు ప్రదానోత్సవం
హైదరాబాద్, సెప్టెంబర్ 3, 2023: 2021-22 సంవత్సరానికి ప్రతిష్ఠాత్మక 8వ డాక్టర్ ఎంఎస్ స్వామినాథన్ అవార్డును రాగోలులోని ఆచార్య ఎన్జీ రంగా వ్యవసాయ విశ్వవిద్యాలయం వ్యవసాయ పరిశోధనా కేంద్రం ప్రిన్సిపల్ సైంటిస్ట్ డాక్టర్ పీవీ సత్యనారాయణకు అందించారు. రిటైర్డ్ ఐసీఏఆర్ ఎంప్లాయీస్ అసోసియేషన్ (రికార్‌), నూజివీడు సీడ్స్ లిమిటెడ్ (ఎన్ఎస్ఎల్) సంయుక్తంగా ఏర్పాటుచేసిన ఈ ద్వైవార్షిక జాతీయ అవార్డు కింద రూ.2 లక్షల నగదు, బంగారు పతకం ఇచ్చారు. ఆగ‌స్టు 2న డాక్టర్ ఎ.పద్మరాజు అధ్యక్షతన జరిగిన అవార్డు ఎంపిక కమిటీ బి.పి.హెచ్, బి.ఎల్.బి, బ్లాస్ట్, ముంపు, లవణీయతల‌ను నిరోధించే.. సన్నరకం, మొత్తం భారతదేశంలో ప్రభావం చూపిన హైబ్రిడ్ వరి వంగడాలను అభివృద్ధి చేయడంలో చేసిన కృషికి డాక్టర్ పి.వి.సత్యనారాయణను ఎంపిక చేసింది.
ప్రస్తుతం రాగోలులోని ఆచార్య ఎన్.జి.రంగా వ్యవసాయ విశ్వవిద్యాలయం ప్రిన్సిపల్ సైంటిస్టుగా పనిచేస్తున్న డాక్టర్ పి.వి.సత్యనారాయణ బెస్ట్ గోల్డెన్ జూబ్లీ ఏఐసీఐపీ సెంటర్ అవార్డు 2015కు టీమ్ లీడర్‌గా జాతీయ అవార్డు, సీడ్ మ్యాన్‌ అసోసియేషన్ 2021 ఉత్తమ శాస్త్రవేత్త అవార్డు, బెస్ట్ ఏఐసీటీఐపీ సెంటర్ అవార్డు 2013, ఉత్తమ క్రమశిక్షణ అవార్డు 2014 వంటి అనేక అవార్డులు, గౌరవాలు అందుకున్నారు. ల్యాండ్ మార్క్ వెరైటీగా గుర్తించిన ఎంటీయూ 1010ను అభివృద్ధి చేసిన మొక్కల పెంపకందారులకు గుర్తింపు 2019, క్రాప్ రీసెర్చ్ అవార్డు 2004, రైతుమిత్ర అవార్డు, 2019; రాష్ట్ర పురస్కారం మెరిటోరియస్ రీసెర్చ్ అవార్డు, 2002, నీలకంఠాపురం కావేరప్ప గోల్డ్ మెడల్ 2015, ఉగాది పురస్కారం, 2016, శ్రీమతి ఈదర సుబ్బాయమ్మ, శ్రీ ఈదర వెంకటరావు స్మారక బంగారు పతకం 2019, ఉత్తమ ఆర్ఏఆర్ఎస్ అవార్డు 2015, డాక్టర్ ఐవీ సుబ్బారావు స్మారక ఉత్తమ శాస్త్రవేత్త పురస్కారం 2012, ఉత్తమ శాస్త్రవేత్త పురస్కారం 2012, ఉద్దరాజు ఆనందరాజ్ ఫౌండేషన్ అవార్డు 2011, ఉగాది పురస్కారం 2017. ఫెలో: అకాడమీ ఫెలోషిప్ అవార్డు 2014, ఆంధ్రప్రదేశ్ అకడమిక్ ఆఫ్ సైన్సెస్ 2019 కూడా ఆయ‌న‌ను వ‌రించాయి.
ఇండియన్ కౌన్సిల్ ఆఫ్ అగ్రికల్చరల్ రీసెర్చ్ (ఐసీఎఆర్) ఆదర్శాలు, లక్ష్యాల ఆధారంగా వ్యవసాయ ప్రయోజనాలను నెరవేర్చడానికి రిటైర్డ్ ఇండియన్ కౌన్సిల్ ఆఫ్ అగ్రికల్చరల్ రీసెర్చ్ ఎంప్లాయీస్ అసోసియేషన్ (రికారియా) 1997 లో ఏర్పడింది. దాని సభ్యుల అనుభవం సహాయంతో ప్రభుత్వ సంస్థలు, ఎన్జీఓలు, ప్రభుత్వ, ప్రైవేట్ సంస్థలు, వ్యవసాయ సంఘాలతో కలిసి పనిచేస్తుంది. ఐసీఏఆర్ కు చెందిన రిటైర్డ్ సిబ్బంది.. ఈ అసోసియేషన్ శాస్త్రీయ, విస్తరణ సంస్థలకు రిసోర్స్ పర్సన్ల సమూహంగా కూడా సేవలందిస్తోంది. వ్యవసాయ సమాజం, సాధారణ ప్రజలలో శాస్త్ర సాంకేతిక అభివృద్ధిపై అవగాహన కలిగిస్తుంది. ప్రస్తుతం ఈ అసోసియేషన్ లో 500 మంది సభ్యులున్నారు.
నూజివీడు సీడ్స్ లిమిటెడ్ (ఎన్ఎస్ఎల్) భారతదేశంలోని అతిపెద్ద భారతీయ విత్తన కంపెనీ. ఇది మన దేశంలో సుమారు 50 సంవత్సరాలుగా పనిచేస్తోంది. దాదాపు అన్ని వ్యవసాయ వాతావరణ పరిస్థితులలో దేశవ్యాప్తంగా ఉన్న బ్రీడింగ్ స్టేష‌న్ల‌లో 30కి పైగా పంటలలో పంట మెరుగుదల ప్రాజెక్టులను ఎన్ఎస్ఎల్ చేపడుతోంది. ఎన్ఎస్ఎల్ బ్రీడింగ్ కార్యక్రమాల ద్వారా అభివృద్ధి చేసిన రకాలు / సంకరజాతులు వాటి ఔన్నత్యం, అనుకూలతను నిర్ధారించడానికి దేశవ్యాప్తంగా వందలాది ట్రయల్ ప్రదేశాలలో బాగా పరీక్షిస్తారు. ఎన్ఎస్ఎల్ 15 మిలియన్ల మందికి పైగా రైతులకు నాణ్యమైన విత్తనాలను సరఫరా చేస్తుంది. ఈ ప్రతిష్టాత్మక అవార్డుకు ఎన్ఎస్ఎల్ స్పాన్సర్‌గా వ్యవహరిస్తోంది.
2004-2005 సంవత్సరానికి గాను మొదటి ఎం.ఎస్.స్వామినాథన్ అవార్డును ప్రముఖ పౌల్ట్రీ శాస్త్రవేత్త డాక్టర్ గెండా లాల్ జైన్ కు 2005 అక్టోబరు 27న ప్రదానం చేశారు. తరువాతి ద్వైవార్షిక పురస్కారాలు ఈ కిందివిధంగా అందించారు:
1. 2006-2007 – డాక్టర్ బి.ప్రకాశ్, శాస్త్రవేత్త, ఎన్డీఆర్ఐ
2. 2008-2009 - డాక్టర్ ఎస్.నాగరాజన్, ప్రముఖ ప్లాంట్ పాథాలజిస్ట్ & ఐఏఆర్ఐ మాజీ డైరెక్టర్
3. 2010-2011 - డాక్టర్ ఎస్.ఆర్.సాయికుమార్, మొక్కజొన్న బ్రీడర్ & మాజీ ప్రాజెక్ట్ కో-ఆర్డినేటర్, ఐసీఏఆర్ & డాక్టర్ ఎన్.శోభారాణి, ఐఐఆర్ఆర్‌లో రైస్ బ్రీడింగ్ ప్రిన్సిపల్ సైంటిస్ట్
4. 2012 - 2013 - డాక్టర్ సురేందర్ లాల్ గోస్వామి, ప్రముఖ జంతు జన్యు శాస్త్రవేత్త -బ్రీడర్ & మాజీ డైరెక్టర్ నార్మ్
5. 2015 - 2016 - డాక్టర్ ఆర్.ఆర్.హంచినాల్ ప్రముఖ మొక్కల పెంపకందారు, విత్తన ఉత్పత్తి నిపుణుడు, మొక్కల రకాలు, రైతుల హక్కుల పరిరక్షణ అథారిటీ ఛైర్ ప‌ర్స‌న్‌, భారత ప్రభుత్వం, న్యూఢిల్లీ
6. 2017 - 2019 - డాక్టర్ వి ప్రవీణ్ రావు, ప్రొఫెసర్ జయశంకర్ తెలంగాణ రాష్ట్ర వ్యవసాయ విశ్వవిద్యాలయం ఉపకులపతి.
హైదరాబాద్ రాజేంద్రనగర్ లోని ఐసీఏఆర్-ఐఐఆర్ఆర్ లోని డాక్టర్ ఎస్వీఎస్ శాస్త్రి ఆడిటోరియంలో రికారియా సిల్వర్ జూబ్లీ వేడుకలతో పాటు ఈ అవార్డుల ప్రదానోత్సవం ఆదివారం ఘ‌నంగా జ‌రిగింది. ఈ కార్యక్రమానికి ముఖ్య అతిథిగా ఐసీఏఆర్ డీజీ, డీఏఆర్ఈ కార్యదర్శి డాక్టర్ హిమాన్షు పాఠక్ హాజర‌య్యారు. ఈ కార్యక్రమంలో ఇంకా డీఏఆర్ఈ కార్యదర్శి, ఐసీఏఆర్ మాజీ డీజీ డాక్టర్ ఆర్ఎస్ పరోడా, ఐసీఏఆర్ మాజీ డీడీజీ డాక్టర్ ఈఏ సిద్దిఖ్, ఐసీఏఆర్-ఐఏఆర్ఐ డైరెక్టర్ డాక్టర్ ఏకే సింగ్, ఎన్ఎస్ఎల్ కంపెనీస్ సీఎండీ ఎం.ప్రభాకరరావు, ఐసీఏఆర్-ఐఏఆర్ఐ డైరెక్టర్ డాక్టర్ ఆర్ఎం సుందరం తదితరులు గౌరవ అతిథులుగా పాల్గొన్నారు.
ఈ కార్యక్రమంలో పాల్గొన్న నూజివీడు సీడ్స్ లిమిటెడ్ సీఎండీ ఎం. ప్రభాకరరావు మాట్లాడుతూ, ‘‘ఈ ప్ర‌తిష్ఠాత్మ‌క‌మైన అవార్డు ఇప్ప‌టివ‌ర‌కు 8 మందికి ప్ర‌క‌టిస్తే అందులో నలుగురు తెలుగురాష్ట్రాల వారే కావ‌డం ముదావ‌హం. వ్య‌వ‌సాయంలో మన దేశం అసాధార‌ణ ప్ర‌గతి సాధించింది. కానీ, మ‌నం చేస్తున్న ప‌నుల‌కు కేంద్ర ప్రభుత్వ మ‌ద్ద‌తు లేక‌పోతే అవి సమాజం మీద త‌గినంత ప్రభావం చూపించ‌లేవు. ప్ర‌భుత్వాలు ప్ర‌ధానంగా వినియోగ‌దారుల కోణం నుంచే చూస్తున్నాయి త‌ప్ప రైతుల కోణంలో చూడ‌ట్లేదు. బియ్యం ఎగుమ‌తుల‌కు మంచి డిమాండు ఉన్నా, ఇటీవ‌ల దాన్ని నిషేధించారు. ఇక్క‌డ కావ‌ల్సిన‌న్ని నిల్వ‌లు ఉంచుకుని ఎగుమ‌తులు ప్రోత్స‌హిస్తే రైతులకు లాభ‌దాయ‌కంగా ఉంటుంది. ప‌త్తిలో హైడెన్సిటీఈ సాగు విష‌యంలో ప్ర‌యోగాలు చేస్తున్నాం. దీనివ‌ల్ల సాధారణ సాగుకంటే 30-40% దిగుబడి పెరుగుతుంది. తగిన యాజమాన్య పద్ధతులు పాటిస్తే ఇది 50-60% వరకు కూడా ఉంటుంది. రాబోయే ఐదేళ్ల‌లో సత్యనారాయణ చేతుల మీదుగా వ‌చ్చిన వరి రకాలు దేశంలో అత్య‌ధికంగా సాగు అవుతాయ‌న్న న‌మ్మ‌కం నాకుంది. ఈ అవార్డు ఆయ‌న‌కు వ‌చ్చినందుకు ఎంతో సంతోషంగా ఉంది. రికారియా సభ్యులందరికీ సిల్వర్ జూబ్లీ సందర్భంగా అభినందనలు’’ అని తెలిపారు.
