jayalalitha: జ‌య‌ల‌లిత ముఖాన్ని పోలిన ఆకారంలో 68 కేజీల భారీ ఇడ్లీ.. జ‌య‌ల‌లిత‌కు వినూత్న నివాళి
చెన్న‌య్ ఆసుప‌త్రిలో చికిత్స పొందుతూ ఇటీవ‌లే గుండెపోటుతో క‌న్నుమూసిన జ‌య‌ల‌లిత మ‌హాస‌మాధిని మెరీనా బీచ్ వ‌ద్ద ఏర్పాటు చేసిన సంగ‌తి తెలిసిందే. ఆమె స‌మాధిని చూసేందుకు వ‌స్తోన్న జ‌య‌ల‌లిత అభిమానుల సంఖ్య ఇప్ప‌టికీ ఏ మాత్ర‌మూ త‌గ్గలేదు. భారీగా చేరుకుంటున్న అభిమానులు ఆమెకు నివాళులు అర్పిస్తున్నారు. ఈ నేపథ్యంలో జ‌య‌ల‌లిత ప్రాతినిధ్యం వ‌హించిన ఆర్కేన‌గ‌ర్ నియోజ‌క‌వ‌ర్గ ప్ర‌జ‌లు ఈ రోజు ఉద‌యం జ‌య‌ల‌లిత ముఖాన్ని పోలిన ఆకారంలో త‌యారు చేసిన 68 కేజీల భారీ ఇడ్లీని ఆమె స‌మాధి వద్దకు తీసుకువ‌చ్చి ఆమె ప‌ట్ల అభిమానాన్ని చాటుతూ వినూత్నంగా నివాళి అర్పించారు. అమ్మ త‌మ ప్రాంతానికి చేసిన సేవ‌ల‌ను త‌లుచుకొని క‌న్నీరు పెట్టుకున్నారు.