special status: పందుల పందేలతో పోల్చుతారా? సరే అలాగే కానివ్వండి: సుజనా చౌదరిపై పవన్ కల్యాణ్ ఫైర్
ఆంధ్ర‌ప్ర‌దేశ్‌కి ప్రత్యేక హోదా కోసం ఈ రోజు విశాఖ‌ప‌ట్నంలో రాష్ట్ర యువత నిర్వ‌హించాల‌నుకున్న శాంతియుత నిర‌స‌న నేప‌థ్యంలో జల్లికట్టుకు, ప్రత్యేక హోదాకు సంబంధం లేద‌ని కేంద్రమంత్రి సుజనా చౌదరి వ్యాఖ్యలు చేసిన సంగ‌తి తెలిసిందే. జల్లికట్టును స్ఫూర్తిగా తీసుకునే వారు కోళ్లు, పందుల పందేల పోటీలు పెట్టుకోవాలని ఆయ‌న వ్యాఖ్యలు చేశారు. ఈ వ్యాఖ్య‌ల‌పై జ‌న‌సేన అధినేత, సినీన‌టుడు పవన్ కల్యాణ్ ఘాటుగా స్పందించారు. ‘యువత పోరాట స్ఫూర్తిని "సుజనా చౌదరి గారు" పందుల పందేలతో పోల్చడం చాలా బాధాకరం..’ అని ఆయ‌న ట్వీట్ చేశారు. మీరు నోరు జారే కొద్దీ యువతని రెచ్చగొట్టటమే అవుతుంద‌ని, సరే అలాగే కానివ్వండని ఆయ‌న పేర్కొన్నారు. మ‌న‌ల్ని వెట‌కారం చేసే గ‌ల్లీ స్థాయి నాయ‌కుడి నుంచి ఢిల్లీ స్థాయి నాయ‌కుడి దాక ప్ర‌తి ఒక్క‌రినీ ఆంధ్ర‌లోని ప్ర‌తి యువ‌కుడు, యువ‌తి గుర్తు పెట్టుకోండని పవన్ సూచించారు.
యువత పోరాట స్పూర్తిని "సుజనా చౌదరి గారు" పందులు పందాలు తో పోల్చడం ' చాల భాదాకరం..
— Pawan Kalyan (@PawanKalyan) 26 January 2017
