special status: వారు పోలీసులో.. టీడీపీ గుండాలో తెలియదు.. ఎయిర్‌పోర్టులో మ‌మ్మ‌ల్ని అడ్డ‌గించారు!: అంబ‌టి రాంబాబు
ఆంధ్రప్రదేశ్ కి ప్ర‌త్యేక హోదా కోసం విశాఖప‌ట్నంలో ఈ రోజు సాయంత్రం నిర్వ‌హించత‌ల‌పెట్టిన కొవ్వొత్తుల ర్యాలీలో పాల్గొన‌డానికి హైద‌రాబాద్ నుంచి బ‌య‌లుదేరిన వైసీపీ అధినేత జగన్మోహన్ రెడ్డి విశాఖ ఎయిర్‌పోర్టుకి చేరుకున్న నేప‌థ్యంలో అక్క‌డ ఉద్రిక్త ప‌రిస్థితులు నెల‌కొన్నాయి. జగన్మోహన్ రెడ్డి త‌మ పార్టీ నాయ‌కుల‌తో ఎయిర్‌పోర్టులోనే బైఠాయించిన నేప‌థ్యంలో ఆ పార్టీ నేత అంబ‌టి రాంబాబు టీడీపీ ప్ర‌భుత్వంపై ఆగ్ర‌హం వ్య‌క్తం చేశారు. మఫ్టీలో ఉన్న వ్యక్తులు త‌మ‌ని అడ్డగించారని వ్యాఖ్యానించారు. వారిని అడ్డ‌గించిన వారు పోలీసులో.. టీడీపీ గూండాలో తెలీదని అన్నారు. వారికి ఐడెంటిటీ కార్డులు కూడా లేవని అన్నారు.