mahesh: మహేశ్ బర్త్ డే గిఫ్ట్ గా రేపే 'స్పైడర్' టీజర్ రిలీజ్!
మహేశ్ బాబు అభిమానులకు రేపు పండుగ రోజు .. ఎందుకంటే రేపు ఆయన పుట్టినరోజు. ఈ సందర్భాన్ని పురస్కరించుకుని 'స్పైడర్' సినిమా నుంచి టీజర్ ను రిలీజ్ చేస్తామని కొన్ని రోజుల క్రితమే చెప్పారు. అయితే రేపు ఏ సమయంలో టీజర్ ను రిలీజ్ చేస్తారా అని అభిమానులంతా ఆసక్తిగా ఎదురుచూస్తున్నారు.
ఈ నేపథ్యంలో రేపు ఉదయం 9 గంటలకు టీజర్ ను రిలీజ్ చేయడానికి ముహూర్తాన్ని ఖరారు చేశారట. స్పై థ్రిల్లర్ నేపథ్యంలో తెరకెక్కిన ఈ సినిమా కోసం మహేశ్ ఫ్యాన్స్ చాలా రోజులుగా ఎదురుచూస్తున్నారు. వాళ్ల అంచనాలను మరింతగా పెంచేలా ఈ టీజర్ ను మురుగదాస్ కట్ చేశారని అంటున్నారు. తెలుగు .. తమిళ భాషల్లో సెప్టెంబర్ 27వ తేదీన ఈ సినిమా విడుదల కానుంది. ఈ సినిమా భారీ విజయాన్ని సొంతం చేసుకోవడం ఖాయమనేది ఫ్యాన్స్ మాట.
