vijay devarakonda: కొత్త రికార్డుల దిశగా దూసుకెళుతోన్న 'అర్జున్ రెడ్డి'
ఈ నెల 25వ తేదీన విడుదలైన 'అర్జున్ రెడ్డి' మూవీ తెలుగు రాష్ట్రాలతో పాటు ఓవర్సీస్ లోను ఒక రేంజ్ లో దూసుకుపోతోంది. విడుదలై వారం కూడా కాకముందే ఈ సినిమా కొత్త రికార్డులను సొంతం చేసుకుంటూ తన ప్రత్యేకతను చాటుకుంటోంది. అమెరికాలో కేవలం 89 థియేటర్స్ లో మాత్రమే విడుదలైన ఈ సినిమా, కేవలం 5 రోజుల్లోనే 11 లక్షల ఒక వేయి 167 డాలర్లను వసూలు చేసింది.
ఇంత తక్కువ థియేటర్స్ లో విడుదలై .. ఇంత తక్కువ సమయంలో ఒక మిలియన్ డాలర్లను వసూలు చేసి ఆశ్చర్యచకితులను చేసింది. ఇంతకు ముందు అక్కడ రిలీజైన ఏ తెలుగు సినిమా ఈ అరుదైన ఫీట్ ను సాధించలేకపోవడం విశేషం. 'పెళ్లి చూపులు' మాదిరిగానే 'అర్జున్ రెడ్డి' కూడా అక్కడ ఎక్కువ రోజులు ఆడేసే అవకాశం ఉందనే అభిప్రాయాలు వ్యక్తమవుతున్నాయి.