halchal: చేతుల్లో కత్తులు పట్టుకుని కదులుతోన్న రైలులో యువకుల హల్ చల్.. వీడియో వైరల్!
- త‌మిళ‌నాడులోని తిరువళ్లూర్ జిల్లా మిలిచెరి రైల్వే స్టేషన్‌లో ఘ‌ట‌న
- రైలు కదులుతుండగానే కిందికి దిగి మ‌ళ్లీ ఎక్కుతూ అల‌జ‌డి
- వీడియో తీసి ఫేస్‌బుక్‌లో పోస్ట్‌
- నలుగురి అరెస్ట్
సమరసింహారెడ్డి, నరసింహనాయుడు సినిమాల్లో రైల్వే స్టేషన్ల వద్ద విలన్లు కత్తులు పట్టుకుని తిరగడం చూశాం. అయితే, అదే సీను ఇప్పుడు నిజ జీవితంలో కూడా కనపడింది. త‌మిళ‌నాడులోని తిరువళ్లూర్ జిల్లా మిలిచెరి స్టేషన్‌లో ఇటువంటి ఘ‌ట‌నే చోటు చేసుకుంది. కొంత మంది యువ‌కులు చేతుల్లో కత్తులు పట్టుకుని సినిమాల్లో తిపినట్టు తిప్పుతూ.. రైలు కదులుతుండగానే కిందికి దిగి.. మ‌ళ్లీ ఎక్కుతూ అల‌జ‌డి సృష్టించారు.
ఈ తతంగాన్నంతా వీడియో తీసి ఫేస్‌బుక్‌లో పోస్ట్‌ చేశారు. ఈ వీడియోను చూసిన పోలీసులు దీనిపై విచార‌ణ జ‌రిపి చెన్నైలోని పచైయప్ప, ప్రెసిడెన్సీ కాలేజీల్లో చదువుతున్న కొంతమంది విద్యార్థులు ఇలా ప్ర‌వ‌ర్తించార‌ని గుర్తించారు. ఇప్ప‌టివ‌ర‌కు వారిలో న‌లుగురిని అదుపులోకి తీసుకున్నారు. ఈ ఘ‌ట‌న‌పై ద‌ర్యాప్తు కొన‌సాగుతోంది. ఇందుకు సంబంధించిన వీడియో వైరల్ గా మారింది.