karthi: 'ఖాకీ' ట్రైలర్ రిలీజ్ .. యాక్షన్ తో దుమ్మురేపేస్తోన్న కార్తీ
- కార్తీ హీరోగా రూపొందిన 'ఖాకీ'
- వాస్తవంగా జరిగిన వరుస హత్యలే కథా వస్తువు
- కథానాయికగా రకుల్
- నవంబర్లో విడుదల
తమిళంలో కార్తీ కథానాయకుడిగా 'ధీరమ్ అధిగారం ఒండ్రు' సినిమా తెరకెక్కింది. తెలుగులో ఈ సినిమాకి 'ఖాకీ' అనే టైటిల్ ను ఫిక్స్ చేసిన సంగతి తెలిసిందే. వినోద్ దర్శకత్వం వహించిన ఈ సినిమాలో రకుల్ కథానాయికగా నటించింది. తెలుగు .. తమిళ భాషల్లో ఈ సినిమాను వచ్చేనెలలో విడుదల చేయనున్నారు.
ఈ నేపథ్యంలో తాజాగా ఈ సినిమా నుంచి ట్రైలర్ ను రిలీజ్ చేశారు. లవ్ .. యాక్షన్ దృశ్యాలకి ప్రాధాన్యతనిస్తూ ఈ ట్రైలర్ ను కట్ చేశారు. యాక్షన్ .. ఛేజింగ్ దృశ్యాలలో కార్తీ దుమ్మురేపేస్తున్నాడు. ఈ సినిమాలో ఆయన ఓ పవర్ఫుల్ పోలీస్ ఆఫీసర్ గా కనిపించనున్నాడు. 1995 - 2005 మధ్య కాలంలో జరిగిన వరుస హత్యల నేపథ్యలో ఈ సినిమాను తెరకెక్కించారు. యాక్షన్ థ్రిల్లర్ గా రూపొందిన ఈ సినిమా, తెలుగు .. తమిళ భాషల్లో తనకి తప్పకుండా హిట్ తెచ్చిపెడుతుందనే నమ్మకంతో కార్తీ వున్నాడు.