Anushka: సినిమా కబుర్లు.. సంక్షిప్త సమాచారం!
- హీరోయిన్లకు క్రమశిక్షణ వుండాలంటున్న అనుష్క
- కార్తీ 'ఖాకి' ఆడియో రిలీజయింది
- డిసెంబర్ 1న సాయిధరం తేజ్ 'జవాన్'
- కథానాయిక ప్రధాన చిత్రంలో తాప్సీ
* 'హీరోయిన్లకు అందం ఎంత ముఖ్యమో క్రమశిక్షణ కూడా అంతే ముఖ్యం' అంటోంది అందాలతార అనుష్క. "కథానాయికలు అందంగా ఉంటేనే సరిపోదు. ఆ అమ్మాయి కరెక్టుగా టైంకి సెట్ కి వస్తుంది అన్న పేరు కూడా తెచ్చుకోవాలి. అంటే క్రమశిక్షణ వుండాలి. అప్పుడే ఇక్కడ బాగా రాణించగలుగుతాం" అని చెప్పింది.
* కార్తీ, రకుల్ ప్రీత్ సింగ్ జంటగా తమిళంలో రూపొందిన 'ధీరం అధికారం ఒండ్రు' చిత్రాన్ని తెలుగులోకి 'ఖాకి' పేరిట డబ్ చేస్తున్నారు. ఈ చిత్రం ఆడియో వేడుక నిన్న రాత్రి హైదరాబాదులో ఘనంగా జరిగింది. ఈ కార్యక్రమంలో పలువురు చిత్ర ప్రముఖులు పాల్గొన్నారు.
* సాయిధరం తేజ్ హీరోగా బీవీఎస్ రవి దర్శకత్వంలో దిల్ రాజు నిర్మిస్తున్న 'జవాన్' చిత్రానికి సంబంధించిన ఓ పాటను నిన్న రిలీజ్ చేశారు. మెహ్రీన్ హీరోయిన్ గా నటిస్తున్న ఈ చిత్రాన్ని డిసెంబర్ 1న విడుదల చేయనున్నట్టు నిర్మాత దిల్ రాజు తెలిపారు.
* సొట్ట బుగ్గల చిన్నది తాప్సీ బాలీవుడ్ లో మెల్లగా నిలదొక్కుకుంటోంది. ఇటీవల 'జుడ్వా 2'లో నటించిన ఈ ముద్దుగుమ్మకు ఆ చిత్రం మంచి విజయాన్ని ఇచ్చింది. ఈ క్రమంలో తాజాగా అనురాగ్ కశ్యప్ నిర్మించే 'మన్మార్జియాన్' హీరోయిన్ ఓరియెంటెడ్ చిత్రంలో నాయిక పాత్రకు ఎంపికైనట్టు సమాచారం.