trivikram: ఎన్టీఆర్ మూవీకి సంబంధించిన పుకార్లకు చెక్ పెట్టిన త్రివిక్రమ్
- త్రివిక్రమ్ తాజా చిత్రంగా 'అజ్ఞాతవాసి'
- తదుపరి సినిమా ఎన్టీఆర్ తో
- ఓ నవల ఆధారంగా అంటూ ప్రచారం
- తాజాగా ఈ విషయంపై స్పందించిన త్రివిక్రమ్
ప్రస్తుతం 'అజ్ఞాతవాసి' సినిమా పనుల్లో త్రివిక్రమ్ బిజీగా వున్నారు. ఈ సినిమా తరువాత ప్రాజెక్టును ఆయన ఎన్టీఆర్ తో చేయనున్నారు. రీసెంట్ గా ఈ సినిమా పూజా కార్యక్రమాలను కూడా జరుపుకుంది. జనవరి నుంచి ఈ సినిమా సెట్స్ పైకి వెళుతుందని అంటున్నారు. ఈ నేపథ్యంలో .. 80వ దశకంలో వచ్చిన ఓ పాప్యులర్ నవల ఆధారంగా ఈ సినిమా తెరకెక్కనుందనే టాక్ వచ్చింది. ఆ నవలను సినిమాగా తీయడానికి అవసరమైన రైట్స్ ను, భారీ మొత్తమే చెల్లించి త్రివిక్రమ్ సొంతం చేసుకున్నాడనే ప్రచారం జరుగుతోంది.
ఈ రోజు పుట్టిన రోజు వేడుక జరుపుకుంటోన్న త్రివిక్రమ్ ఈ విషయంపై స్పందించారు. ఎన్టీఆర్ తో తాను చేయనున్న సినిమా ఓ నవల ఆధారంగా తెరకెక్కనుందనే విషయంలో ఎంతమాత్రం నిజం లేదని ఆయన చెప్పారు. తన గత చిత్రాల మాదిరిగానే కుటుంబ సభ్యులంతా కలిసి చూసేలా ఈ సినిమా వుంటుందనే విషయాన్ని ఆయన స్పష్టం చేశారు. ఇక ఈ సినిమాలో ఓ కీలకమైన పాత్ర కోసం 'టబు' ఖరారైపోయింది.