Donald Trump: బాబోయ్.. ఆ అవార్డు నాకు వద్దు: 'టైమ్స్ పర్సన్ ఆఫ్ ది ఇయర్'ను తిరస్కరించిన ట్రంప్
- టైమ్స్ పర్సన్ ఆఫ్ ది ఇయర్ - 2017 అవార్డు నాకిస్తున్నట్టు తెలిసింది
- ఫొటో షూట్ లో పాల్గొనలేను
- ఈ అవార్డు నాకు వద్దు
'టైమ్స్ పర్సన్ ఆఫ్ ది ఇయర్ - 2017' అవార్డును తిరస్కరించాలని నిర్ణయించుకున్నట్టు అమెరికా అధ్యక్షుడు డొనాల్డ్ ట్రంప్ ప్రకటించారు. ఈ మేరకు ఆయన ట్వీట్ చేశారు. టైమ్స్ పర్సన్ గా తాను ఎంపిక కానున్నాననే సమాచారం అందిందని... ఒకవేళ ఎంపికైతే మేగజీన్ కవర్ ఫొటో కోసం ఫొటో షూట్ చేయాల్సి ఉంటుందని... అది తనకు ఇష్టం లేదని ట్రంప్ అన్నారు. ఈ అవార్డును తాను స్వీకరించబోనని చెప్పారు.
గతంలో ఈ అవార్డు కోసం ట్రంప్ ఉబలాటపడిపోయిన సందర్భాలు కూడా ఉన్నాయి. 2015లో తనను అవార్డుకు ఎంపిక చేయకపోవడం పట్ల ట్రంప్ నిప్పులు చెరిగారు కూడా. 2016లో ఈ అవార్డుకు ఆయన ఎంపికయ్యారు. మరోవైపు, ట్రంప్ ట్వీట్ పై టైమ్స్ స్పందించింది. అవార్డు ఇచ్చేందుకు తాము అనుసరించే విధానాల గురించి తెలుసుకోకుండానే ట్రంప్ వ్యాఖ్యలు చేస్తున్నారని తెలిపింది.
