sanju: సంజయ్దత్ బ‌యోపిక్‌లో అతిథి పాత్రలో ఆమిర్ ఖాన్?
- షూటింగ్ సెట్లో క‌నిపించిన ఆమిర్
- గ‌తంలో సునీల్ ద‌త్ పాత్ర కోసం ఆమిర్‌ను అనుకున్న చిత్ర యూనిట్‌
- అప్పట్లో తిర‌స్క‌రించిన ఆమిర్
సంజయ్దత్ జీవితం ఆధారంగా ద‌ర్శ‌కుడు రాజ్‌కుమార్ హిరానీ సినిమా తీయ‌నున్నార‌ని ప్రకటించినప్పుడు సంజ‌య్ తండ్రి సునీల్ ద‌త్ పాత్రలో ఆమిర్ ఖాన్ న‌టించ‌నున్నాడ‌ని వార్తలు వ‌చ్చాయి. ఈ పాత్ర కోసం రాజ్ కుమార్, ఆమిర్‌ని అడిగినపుడు ఆయ‌న సున్నితంగా తిర‌స్క‌రించార‌ని త‌ర్వాత స్ప‌ష్ట‌త వ‌చ్చింది. ఈ నేపథ్యంలో సంజయ్దత్ బ‌యోపిక్ 'సంజు' షూటింగ్ సెట్లో ఇటీవల ఆమిర్ ఖాన్ క‌నిపించిన‌ట్లు ఓ బాలీవుడ్ సినిమా వెబ్‌సైట్ వెల్ల‌డించింది.
దీన్ని బ‌ట్టి చూస్తే ఓ ప్ర‌త్యేక పాత్రలో ఆమిర్ క‌నిపించే అవకాశాలు ఉన్న‌ట్లు తెలిపింది. ర‌ణ్‌బీర్ క‌పూర్ టైటిల్ రోల్ పోషిస్తున్న ఈ పాత్రలో చాలా మంది బాలీవుడ్ అగ్ర‌తారాగ‌ణం ప్ర‌త్యేక పాత్ర‌ల్లో క‌నిపించ‌నున్నార‌ట. వారిలో ఆమిర్ కూడా ఉండ‌వ‌చ్చ‌ని జాతీయ మీడియా వ్యాఖ్యానిస్తోంది. మ‌రి ఎవ‌రెవ‌రు ఎలా క‌నిపిస్తారో తెలియాలంటే వ‌చ్చే ఏడాది మార్చి 30 వ‌ర‌కు ఆగాల్సిందే!
