janasena: వివాదంలో జ‌న‌సేన పార్టీ కార్యాల‌య స్థ‌లం!

• చిన‌కాకానిలో మూడు ఎక‌రాల స్థ‌లాన్ని లీజుకు తీసుకున్న జ‌న‌సేన‌
• యార్ల‌గ‌డ్డ సాంబ శివ‌రావు నుంచి మూడేళ్లకు లీజు 
• ఆ స్థ‌లం త‌మ‌దంటూ వచ్చిన షేక్ ష‌ఫి  
• జ‌న‌సేన కార్యాల‌య నిర్మాణం జ‌ర‌ప‌కూడ‌దంటూ డిమాండ్

---

ఏపీ రాజధాని సమీపంలో పార్టీ కార్యాల‌య నిర్మాణం కోసం జ‌న‌సేన పార్టీ లీజుకు తీసుకున్న స్థ‌లం వివాదంలో ప‌డింది. మంగ‌ళగిరిలోని చిన‌కాకానిలో యార్ల‌గ‌డ్డ సాంబ శివ‌రావు నుంచి జ‌న‌సేన మూడు ఎక‌రాల స్థ‌లాన్ని మూడు ఏళ్ల‌కు లీజుకు తీసుకుంది. అయితే, ఆ స్థ‌లం త‌మ‌దంటూ షేక్ ష‌ఫి అనే వ్యక్తి తాజాగా మీడియా ముందుకు వ‌చ్చారు. త‌మ‌దైన ఆ భూమి వివాదంలో ఉంద‌ని వివ‌రించారు. అటువంటి భూమిని లీజుకు ఎలా తీసుకుంటార‌ని ప్ర‌శ్నించారు. ఆ స్థలంలో జ‌న‌సేన పార్టీ కార్యాల‌య నిర్మాణం చేప‌ట్ట‌కూడ‌ద‌ని షేక్ ష‌ఫి డిమాండ్ చేస్తున్నారు.