Police: జగిత్యాలలో స్కూల్ విద్యార్థుల‌ను బ‌య‌ట‌కు పంపి.. తనిఖీలు చేప‌డుతోన్న పోలీసులు
- బాంబు ఉంద‌ని చెప్పిన ఓ ఆగంతు‌కుడు
- ప్ర‌స్తుతం చుక్కా రామయ్య, గౌతమి మోడల్‌ స్కూళ్లలో పోలీసులు
- బాంబు స్క్వాడ్‌ సిబ్బంది కూడా వ‌చ్చిన వైనం
జగిత్యాలలో ఓ ఆగంతు‌కుడు అల‌జ‌డి రేపాడు. ఆ ప్రాంతంలోని చుక్కా రామయ్య, గౌతమి మోడల్‌ స్కూళ్లలో బాంబులు పెట్టిన‌ట్లు పోలీసులకు ఫోన్ చేసి చెప్పాడు. దీంతో అప్ర‌మ‌త్త‌మైన పోలీసులు వెంట‌నే ఆయా స్కూళ్ల‌కు చేరుకుని తనిఖీలు చేప‌ట్టారు. ఆ రెండు స్కూళ్ల‌లోనే కాకుండా జగిత్యాలలోని ప‌లు ప్రైవేటు స్కూళ్లలోనూ పోలీసులు తనిఖీలు చేస్తున్న‌ట్లు స‌మాచారం. బాంబు స్క్వాడ్‌ సిబ్బందితో వ‌చ్చిన పోలీసులు విద్యార్థులంద‌రినీ బ‌య‌ట‌కు పంపించేసి క్షుణ్ణంగా సోదాలు నిర్వ‌హిస్తున్నారు. అయితే, ఇందుకు సంబంధించిన వివ‌రాల‌ను మాత్రం మీడియాకు చెప్ప‌డం లేదు.