Chandrababu: చంద్రబాబును కలిసి తమ బాధలను చెప్పుకున్న రాజధాని రైతులు!
- రాజధాని రైతులకు ప్లాట్ల కేటాయింపు
- రిజిస్ట్రేషన్ సదుపాయం మాత్రం ఇంకా లేదు
- చంద్రబాబుకు విన్నవించిన రైతులు
ఏపీ ముఖ్యమంత్రి చంద్రబాబును రాజధాని రైతులు కలిశారు. తుళ్లూరులో ఫోరెన్సిక్ ల్యాబ్ నిర్మాణానికి భూమి పూజ జరిగిన సందర్భంగా సీఎంతో వీరు భేటీ అయ్యారు. ఈ సందర్భంగా తమ బాధలను ముఖ్యమంత్రితో చెప్పుకున్నారు. సీఆర్డీఏ అధికారులు తమకు ప్లాట్లను కేటాయించినప్పటికీ... ఇంతవరకు రిజిస్ట్రేషన్ సౌకర్యాన్ని మాత్రం కల్పించలేదని చెప్పారు. వీరి విన్నపాన్ని సానుకూలంగా విన్న చంద్రబాబు... త్వరలోనే ఈ సమస్యను పరిష్కరిస్తానని తెలిపారు. సీఎంను కలిసిన వారిలో టీడీపీ ఎస్సీ సెల్ మండల అధ్యక్షుడు ముళ్లపూడి రవి, ఇతర నేతలు తలతోటి సురేంద్ర, జొన్నకూటి ఏడుకొండలు కూడా ఉన్నారు.