gazal srinivas: బాధిత యువ‌తితో పాటు ప‌నిమ‌నిషితో.. మీడియా చేతికి గ‌జ‌ల్ శ్రీనివాస్ వికృత చేష్ట‌ల వీడియోలు!
- గ‌జ‌ల్ శ్రీనివాస్ చేసిన వ్యాఖ్య‌ల‌కు పొంత‌న లేకుండా ఉన్న వీడియో సాక్ష్యం
- భుజానికి మాత్ర‌మే ఆ యువతి మందు రాసింద‌ని చెప్పిన నిందితుడు
- వీడియోలో మాత్రం మ‌రోలా దృశ్యాలు
రేడియో జాకీగా ప‌నిచేసే ఓ యువ‌తిని లైంగిక వేధింపుల‌కు గురి చేసిన గాయ‌కుడు, ర‌చ‌యిత గ‌జ‌ల్ శ్రీనివాస్‌ను పోలీసులు నాంప‌ల్లి కోర్టులో హాజ‌రుప‌ర్చి చంచ‌ల్ గూడ జైలుకి త‌ర‌లించిన విష‌యం తెలిసిందే. ఈ కేసులో బాధిత యువతి పోలీసుల‌కు ఇచ్చిన వీడియోలు, ఫొటోలు మీడియాకు చిక్కాయి. అందులో బాధిత యువ‌తితో పాటు ప‌నిమ‌నిషితో గ‌జ‌ల్ శ్రీనివాస్ వికృత చేష్ట‌ల‌కు పాల్ప‌డుతూ ఉన్నట్లు ఉంది.
త‌న భుజానికి మాత్ర‌మే ఓ యువతి మందు రాసింద‌ని, ఇంకేమీ జ‌ర‌గ‌లేద‌ని గ‌జ‌ల్ శ్రీనివాస్ చెప్పిన విష‌యం తెలిసిందే. అయితే, ఆయ‌న చేసిన వ్యాఖ్య‌ల‌కు వీడియోలలోని దృశ్యాలు పూర్తి భిన్నంగా ఉన్నాయి. బాధిత యువతి చేసిన ఆరోపణలకు బలాన్ని చేకూర్చుతున్నాయి.