Pawan Kalyan: 'కొడకా...' అన్న పోలెండ్ యువ అభిమానికి పవన్ కల్యాణ్ ఫిదా.. థ్యాంక్స్ చెబుతూ ట్వీట్!
- 'అజ్ఞాతవాసి'లో పవన్ పాడిన పాటను అందుకున్న జిబిగ్స్
- పాటను చూసి ముచ్చటపడిన పవన్ కల్యాణ్
- ట్విట్టర్ లో మెచ్చుకుంటూ ట్వీట్
జిబిగ్స్... పోలెండ్ కు చెందిన ఈ యువకుడు "కొడకా... కోటేశ్వర్రావూ ఖరుచైపోతవురో" అంటూ పాడిన పాట ఎంతగా వైరల్ అయిందో అందరికీ తెలిసిందే. తాజాగా, జిబిగ్స్ వీడియోను పవర్ స్టార్ కూడా చూశారు. తన యువ అభిమాని పాడిన పాటకు ఫిదా అయిపోయారు. ఆ యువకుడిని అభినందిస్తూ ఓ మెసేజ్ పెట్టారు.
"డియర్ జిబిగ్స్ బుజ్జీ... నా చిన్న స్నేహితుడా... నువ్విచ్చిన నూతన సంవత్సరం బహుమతికి నా కృతజ్ఞతలు. నీ సందేశం నాకు చేరింది. నీకు దేవుడి ఆశీర్వాదం లభిస్తుంది - పవన్ కల్యాణ్" అంటూ తన "పీకే క్రియేటివ్ వర్క్" అధికారిక ట్విట్టర్ ఖాతాలో ఓ పోస్టు ఉంచారు. ఆ కుర్రాడు పాడిన పాట లింక్ ను కూడా ఉంచారు.