venkatesh: 'అజ్ఞాతవాసి'లో వెంకీ సీన్స్ తరువాత చేరుస్తారట!
- భారీ ఓపెనింగ్స్ తో 'అజ్ఞాతవాసి'
- గెస్ట్ రోల్ లో కనిపించని వెంకటేశ్
- ఫిల్మ్ నగర్లో వినిపిస్తోన్న టాక్
భారీ అంచనాల మధ్య 'అజ్ఞాతవాసి' సినిమా ఈ రోజున ప్రేక్షకుల ముందుకు వచ్చింది. భారీ ఓపెనింగ్స్ తో ఈ సినిమా థియేటర్స్ లో సందడి చేస్తోంది. ఈ సినిమాలో వెంకటేశ్ గెస్ట్ రోల్ లో ఓ నాలుగు నిమిషాల పాటు కనిపించనున్నాడనే టాక్ కొన్ని రోజుల క్రితం వచ్చింది. ఆ పాత్రకి సంబంధించిన షూటింగులో వెంకటేశ్ పాల్గొన్నట్టుగా కూడా వార్తలు వచ్చాయి.
అయితే ఈ రోజున థియేటర్స్ లోకి వచ్చిన 'అసజ్ఞాతవాసి' సినిమాలో వెంకీ కనిపించకపోవడం ఆయన అభిమానులకు కాస్తంత నిరాశ కలిగించింది. ఈ సినిమాలో వెంకటేశ్ చేయలేదేమో .. గతంలో వచ్చిన వార్తల్లో నిజం లేదేమోనని అనుకునేవారు లేకపోలేదు. అయితే వెంకటేశ్ చేసిన సీన్స్ ను త్వరలో యాడ్ చేస్తారనే టాక్ ఫిల్మ్ నగర్లో వినిపిస్తోంది. ఇందులో వాస్తవమెంతన్నది చూడాలి మరి.
