traffic: ట్రాఫిక్ పోలీసుని తోసేసి.. మ‌హిళ వీరంగం!
- ఉత్త‌ర‌ప్ర‌దేశ్ రాజ‌ధాని ల‌క్నోలో ఘటన
- నో పార్కింగ్ ప్రాంతంలో కారును నిలిపిన వైనం
- అడ్డొచ్చిన పోలీసులపై బూతు పురాణం
- సీసీ కెమెరాలో రికార్డు
ఉత్త‌ర‌ప్ర‌దేశ్ రాజ‌ధాని ల‌క్నోలో ఓ మ‌హిళ వీరంగం సృష్టించింది. నో పార్కింగ్ ప్రాంతంలో కారును నిలిపి ఉంచ‌డ‌మే కాకుండా, ట్రాఫిక్ పోలీసులపై అనుచితంగా ప్ర‌వ‌ర్తించింది. ఆ మ‌హిళ నో పార్కింగ్ ప్రాంతంలో కారు ఉంచిందంటూ పోలీసులు ఆ కారుని ట్రాఫిక్ పోలీస్ స్టేష‌న్‌కు త‌ర‌లించాల‌నుకున్నారు. అయితే, కారుకి అడ్డంగా నిల‌బ‌డ్డ ట్రాఫిక్ పోలీసుని తోసేసి మ‌రీ త‌న వెంట ఉన్న ఓ వ్య‌క్తి సాయంతో ఆ కారుని తీసుకెళ్లింది. పోలీసులపై దుర్భాషలాడింది. ఈ ఘటన అక్క‌డి సీసీ కెమెరాల్లో రికార్డైంది. ఈ ఘ‌ట‌న‌పై కేసు న‌మోదు చేసుకున్న పోలీసులు ద‌ర్యాప్తు జ‌రుపుతున్నారు.