airforce: వాట్సాప్, ఫేస్ బుక్ ద్వారా కీలక సమాచారం లీక్... ఎయిర్ ఫోర్స్ అధికారి అరెస్ట్
- ఎయిర్ ఫోర్స్ అధికారికి ఓ మహిళ వల
- సాధారణ నిఘాలో బయటపడిన విషయం
- విచారణ చేపట్టిన అధికారులు
దేశ భద్రతకు పాటుపడాల్సిన వాయిసేన అధికారి ఓ మహిళ వలలో చిక్కుకుని కీలక సమాచారాన్ని వాట్సాప్, ఫేస్ బుక్ ద్వారా చేరవేస్తున్న విషయం వెలుగు చూసింది. అధికార వర్గాల సమాచారం మేరకు.... ఢిల్లీలోని ఎయిర్ ఫోర్స్ ప్రధాన కార్యాలయంలో గ్రూపు కెప్టెన్ అధికారిగా పనిచేస్తున్న వ్యక్తికి గూఢచారిగా భావిస్తున్న ఓ మహిళ ఫేస్ బుక్ ద్వారా దగ్గరయ్యింది.
అధికారిక సమాచారాన్ని ఆ అధికారి ఆమెకు ఫేస్ బుక్, వాట్సాప్ ద్వారా చేరవేసినట్టు భావిస్తున్నారు. సాధారణ నిఘాలో భాగంగా ఈ విషయం బయటపడింది. దీంతో సదరు అధికారిని అరెస్ట్ చేసి విచారణ చేపట్టారు. కీలక సమాచారం బయటకు వెళ్లిపోయిన ఈ ఘటనలో ఇతరుల ప్రమేయం కూడా ఏమైనా ఉందా? అన్న విషయాన్ని ఆరా తీస్తున్నారు. భద్రతా దళాల్లో పనిచేస్తున్న వారికి సామాజిక మాధ్యమాల్లో కంటెంట్ షేరింగ్ పై కఠిన నిబంధనలు అమల్లో ఉన్నాయి.
