charan: చరణ్ కి ఓ అన్నయ్యగా ప్రశాంత్ .. మరో అన్నయ్యగా యంగ్ హీరో!
- బోయపాటి దర్శకత్వంలో చరణ్
- అన్నయ్య పాత్రల్లో ప్రశాంత్ .. నవీన్ చంద్ర
- విలన్ గా వివేక్ ఒబెరాయ్
బోయపాటి శ్రీను దర్శకత్వంలో చరణ్ హీరోగా ఒక సినిమా రూపొందుతోంది. ఇంకా టైటిల్ ఖరారు చేయని ఈ సినిమాలో, కథానాయికగా కైరా అద్వాని కనిపించనుంది. ఇప్పటికే తొలి షెడ్యూల్ ను పూర్తిచేసుకున్న ఈ సినిమా, రెండవ షెడ్యూల్ కి రెడీ అవుతోంది. ఈ సినిమాలో చరణ్ కి పెద్దన్నయ్య గా తమిళ స్టార్ హీరో ప్రశాంత్ నటించనున్నాడు.
ఇక రెండవ అన్నయ్యగా నవీన్ చంద్ర నటించే ఛాన్స్ ఉందని అంటున్నారు. తెలుగులో హీరోగా మంచి గుర్తింపు తెచ్చుకున్న నవీన్ చంద్ర, ఈ సినిమాలో చరణ్ కి చిన్నన్నయ్యగా కనిపించనుండటం దాదాపు ఖాయమైపోయినట్టేనని అంటున్నారు. ఈ సినిమాలో విలన్ గా వివేక్ ఒబెరాయ్ చేస్తుండగా .. చరణ్ కి వదిన పాత్రలో స్నేహ చేస్తుండటం విశేషం. డీవీవీ దానయ్య నిర్మిస్తోన్న ఈ సినిమాకి, దేవిశ్రీ ప్రసాద్ సంగీతాన్ని సమకూర్చుతున్న సంగతి తెలిసిందే.
