Rahul Gandhi: కీలక నిర్ణయం తీసుకున్న రాహుల్ గాంధీ!
- సీడబ్ల్యూసీ రద్దు
- వచ్చేనెలలో ప్లీనరీ సమావేశాలు
- సాహసోపేత నిర్ణయమంటోన్న విశ్లేషకులు
కాంగ్రెస్ అధ్య‌క్షుడు రాహుల్ గాంధీ కీలక నిర్ణయాలు తీసుకుంటూ పార్టీని ముందుకు తీసుకెళ్లాల‌ని యోచిస్తున్నారు. ఈ క్రమంలో కాంగ్రెస్ పార్టీలో అత్యున్నత నిర్ణయీకరణ వ్యవస్థగా పేరొందిన కాంగ్రెస్ వర్కింగ్ కమిటీని రద్దు చేశారు. మార్చి రెండో వారంలో ఆ పార్టీ ప్లీనరీ సమావేశాలు ఢిల్లీలో జరగనున్నాయి. ఆ సమావేశంలో మాజీ ప్రధాని మన్మోహన్ సింగ్, మాజీ కేంద్ర మంత్రులు చిదంబరం, గులాం నబీ ఆజాద్, జనార్దన్ ద్వివేదీ పాల్గొంటారు. అందులో మరిన్ని నిర్ణయాలు తీసుకునే అవకాశం ఉంది. పార్టీని ముందుకు తీసుకెళ్లడానికి ఆయన సాహసోపేతమైన నిర్ణయాలు తీసుకుంటున్నారని విశ్లేషకులు అంటున్నారు.