Chandrababu: వెంకట రాహుల్‌కు ఏపీ సర్కారు భారీ నజరానా
- రూ.50 లక్షల నగదు
- గుంటూరులో ఇంటి స్థలం
- గ్రూప్‌-2 ఉద్యోగం
- చంద్రబాబు ప్రకటన
ఇటీవల ఆస్ట్రేలియాలో నిర్వహించిన కామన్వెల్త్ గేమ్స్ లో వెయిట్ లిప్టింగ్ 85 కేజీల విభాగంలో స్వర్ణ పథకం సాధించిన తెలుగు తేజం రాగాల వెంకట రాహుల్ ను ఆంధ్రప్రదేశ్‌ ముఖ్యమంత్రి చంద్రబాబు నాయుడు ఈ రోజు సన్మానించారు. అమరావతిలోని ప్రజాదర్బార్ హాల్ లో నిర్వహించిన ఈ 'అభినందన సభ'లో సీఎం చంద్రబాబు నాయుడుతో పాటు ఏపీ మంత్రులు కొల్లు రవీంద్ర, నక్కా ఆనంద బాబు, నారాయణ, ప్రత్తిపాటి పుల్లారావులు పాల్గొన్నారు.
ఈ సందర్భంగా చంద్రబాబు నాయుడు మాట్లాడుతూ... వెంకట రాహుల్‌కి రూ.50 లక్షల నగదు బహుమతి ఇస్తున్నట్లు, అలాగే ఆయన కోచ్‌కి రూ.10 లక్షల ఆర్థిక సాయం చేస్తున్నట్లు పేర్కొన్నారు. వెంకట రాహుల్‌కి గుంటూరులో ఇంటి స్థలం, గ్రూప్‌-2 ఉద్యోగం ఇస్తామని తెలిపారు. వచ్చే ఒలింపిక్స్‌లో పతకం సాధిస్తే గ్రూప్‌-1 ఉద్యోగం ఇస్తామని చంద్రబాబు అన్నారు. వెంకట రాహుల్ గుంటూరు జిల్లా స్టూవర్టుపురానికి చెందిన క్రీడాకారుడన్న విషయం తెలిసిందే.