mammotty: వైయస్ఆర్ బయోపిక్ 'యాత్ర'లో 'బాహుబలి' నటి
- రాజశేఖర్ రెడ్డి జీవిత్రచరిత్రగా 'యాత్ర'
- ప్రధాన పాత్రలో మమ్ముట్టి
- దర్శకుడిగా మహి వి. రాఘవ్
దర్శకుడు మహి వి. రాఘవ్ కి 'ఆనందో బ్రహ్మ' సినిమా మంచి గుర్తింపు తెచ్చిపెట్టింది. ఆయన తదుపరి చిత్రంగా వైయస్ రాజశేఖర్ రెడ్డి బయోపిక్ రూపొందుతోంది. ఈ సినిమాకి 'యాత్ర' అనే టైటిల్ ను ఖరారు చేశారు. మమ్ముట్టి ప్రధానమైన పాత్రను పోషిస్తోన్న ఈ సినిమాలో, రాజశేఖర్ రెడ్డి సతీమణి పాత్రను నయనతార చేయనున్నట్టు వార్తలు వచ్చాయి. ఆ తరువాత రాధికా ఆప్టేను సంప్రదిస్తున్నారని టాక్ వచ్చింది.
తాజాగా ఆశ్రిత వేముగంటి పేరు తెరపైకి వచ్చింది. స్వతహాగా మంచి నృత్య కళాకారిణి అయిన ఆశ్రిత .. 'బాహుబలి 2' లో 'కన్నా నిదురించరా ..' అనే పాటలో అనుష్కతో పాటు కనిపించి అందరి దృష్టిని తనవైపుకు తిప్పుకున్నారు. వైయస్ విజయమ్మ పాత్రకు ఆమెను సంప్రదిస్తున్నట్టు సమాచారం. త్వరలోనే ఈ విషయంలో క్లారిటీ రానుంది.