Hyderabad: హైదరాబాద్‌లో మోస్తరు వర్షం
- హైదరాబాద్‌ వాసులకు కాస్త ఉపశమనం
- కొన్ని ప్రాంతాల్లో చిరుజల్లులు
- సేదదీరిన నగరవాసులు
ఎండల వేడితో సతమతమవుతోన్న హైదరాబాద్‌ వాసులకు కాస్త ఉపశమనం లభించింది. ఈ రోజు పలు ప్రాంతాల్లో వాతావరణం చల్లబడడంతో నగరవాసులు సేదదీరారు. హైదరాబాద్‌లోని పలు చోట్ల ఓ మోస్తరు వర్షం పడుతోంది. బేగంపేట, పార్సీగుట్ట, బన్సీలాల్‌ పేట, రాణిగంజ్‌, హబ్సిగూడ, తార్నాక, ఆలుగడ్డ బావి, ఓయూ, విద్యానగర్‌, చిలకలగూడ, రాంనగర్‌, పద్మారావు నగర్‌, చిలకలగూడ, వారాసిగూడ, మోండా మార్కెట్‌లో వర్షం పడుతోంది. మరికొన్ని ప్రాంతాల్లో చిరుజల్లులు పడుతున్నాయి.