vishal: 'అభిమన్యుడు' మంచి మార్కులు కొట్టేశాడు
- తమిళంలో హిట్ కొట్టిన 'ఇరుంబు తిరై'
- తెలుగులో 'అభిమన్యుడు'గాను సక్సెస్
- కథాకథనాల్లోని కొత్తదనమే కారణం
విశాల్ కథానాయకుడిగా తమిళంలో చేసిన 'ఇరుంబు తిరై' అక్కడ ఘన విజయాన్ని సాధించింది. సమంత కథానాయికగా చేసిన ఈ సినిమాను 'అభిమన్యుడు' పేరుతో నిన్న తెలుగునాట భారీ స్థాయిలో రిలీజ్ చేశారు. తమిళంలో మాదిరిగానే ఈ సినిమా ఇక్కడ సక్సెస్ టాక్ ను తెచ్చుకుంది. కంటెంట్ కొత్తగా ఉండటం .. అది టెక్నాలజీకి సంబంధించింది కావడంతో పాటు సమంత గ్లామర్ ఈ సినిమాకి మరో ప్లస్ పాయింట్ గా నిలిచిందని అంటున్నారు.
ఈ కారణంగానే ఇక్కడి యూత్ ను .. మాస్ ఆడియన్స్ ను ఈ సినిమా బాగా ఆకట్టుకుందని చెబుతున్నారు. ఇక ఇదే రోజున నాగ్ 'ఆఫీసర్ ' .. రాజ్ తరుణ్ 'రాజుగాడు ' ప్రేక్షకుల ముందుకు వచ్చాయి. కాంబినేషన్ పై గల అంచనాలను 'ఆఫీసర్' ఆశించిన స్థాయిలో అందుకోలేకపోయింది. ఇక 'రాజుగాడు' కూడా అంతగా మెప్పించలేకపోయాడు. ఈ కారణంగానే 'అభిమన్యుడు'కి మరిన్ని మార్కులు పడిపోయాయనే అభిప్రాయాలు వ్యక్తమవుతున్నాయి.