jayanth: స్టార్ డైరెక్టర్ కొత్త సినిమా .. పాకిస్థాన్ లో చిత్రీకరణ
- కొత్త హీరోతో జయంత్ సి.పరాన్జీ
- స్పోర్ట్స్ నేపథ్యంలో సినిమా
- టైటిల్ గా 'నరేంద్ర' ఖరారు
జయంత్ సి.పరాన్జీ పేరు వినగానే 'బావగారు బాగున్నారా' .. 'ప్రేమించుకుందాం రా' .. 'లక్ష్మీ నరసింహా' సినిమాలు కళ్లముందు కదలాడతాయి .. అవి సాధించిన విజయాలు గుర్తొస్తాయి. అలాంటి జయంత్ ఆ తరువాత పవన్ .. మహేశ్ బాబులతో సినిమాలు చేసినా అవి పెద్దగా ఆదరణ పొందలేదు. ఈ మధ్య కాలంలో గ్యాప్ తీసుకుని సినిమాలు చేస్తోన్న ఆయన, మరో భారీ ప్రాజెక్టును పట్టాలెక్కించే ప్రయత్నంలో వున్నాడు.
నీలేష్ అనే కొత్త కుర్రాడిని హీరోగా పరిచయం చేస్తూ ఆయన ఈ సినిమాను చేయనున్నాడు. స్పోర్ట్స్ నేపథ్యంలో ఈ కథ కొనసాగుతుందట. కథా పరంగా కొన్ని సన్నివేశాలను పాకిస్థాన్ లోను చిత్రీకరించవలసి వుంటుందని సమాచారం. ఆ దిశగా సన్నాహాలు జరుగుతున్నాయని అంటున్నారు. ఈషాన్ ఎంటర్టైన్మెంట్స్ వారు నిర్మిస్తోన్న ఈ సినిమాకి 'నరేంద్ర' అనే టైటిల్ ను ఖరారు చేశారు. ఈ సినిమా ద్వారా కథానాయికగా 'లాజా బెల్లె' పరిచయం కానుంది.
