rajani: హిమాలయాల పరిసరాల్లో రజనీ మూవీ షూటింగ్
- కార్తీక్ సుబ్బరాజ్ దర్శకత్వంలో రజనీ
- డార్జిలింగ్ లో కొనసాగుతోన్న షూటింగ్
- ఈ నెల 16 నుంచి మరో షెడ్యూల్
ఒక వైపున '2.ఓ' సినిమాకి సంబంధించిన నిర్మాణానంతర పనులు కొనసాగుతూ ఉండగానే, 'కబాలి' .. 'కాలా' సినిమాలను రజనీ ప్రేక్షకుల ముందుకు తీసుకొచ్చేశాడు. ఈ రెండు సినిమాలు కూడా భారీ ఓపెనింగ్స్ ను రాబట్టాయి. ప్రస్తుతం ఆయన కార్తీక్ సుబ్బరాజ్ దర్శకత్వంలో ఒక సినిమా చేస్తున్నారు. సాధ్యమైనంత త్వరగా ఈ సినిమాను కూడా పూర్తిచేయాలనే ఉద్దేశంతో ఆయన వున్నారు.
కొన్ని రోజులుగా డార్జిలింగ్ లో షూటింగు చేస్తూ వచ్చిన ఈ సినిమా టీమ్ .. ఆ షెడ్యూల్ ను పూర్తిచేసి, 10వ తేదీ తరువాత చెన్నైకి తిరిగిరానున్నారు. ఆ తరువాత షెడ్యూల్ ఈ నెల 16వ తేదీ నుంచి మొదలుకానుంది. హిమాలయ పరిసర ప్రాంతాల్లో ఈ షెడ్యూల్ షూటింగ్ కొనసాగనుంది. ప్రధాన పాత్రధారులంతా ఈ షెడ్యూల్ షూటింగులో పాల్గొననున్నారు.
