RGV: నన్ను అసిస్టెంట్‌గా పెట్టుకోమని నా మాజీ అసిస్టెంట్‌ను కోరుతున్నాను: రామ్ గోపాల్‌ వర్మ
- అజయ్‌ భూపతి దర్శకత్వంలో తెరకెక్కిన ‘RX 100’
- ప్రేక్షకుల నుంచి మంచి స్పందన
- ప్రశంసిస్తూ ఆర్జీవీ ట్వీట్
అజయ్‌ భూపతి దర్శకత్వంలో తెరకెక్కిన ‘RX 100’ సినిమాకు ప్రేక్షకుల నుంచి మంచి స్పందన వస్తోంది. భూపతి.. ప్రముఖ దర్శకుడు రామ్‌గోపాల్‌ వర్మ శిష్యుడన్న విషయం తెలిసిందే. ఈ సినిమా విజయవంతం అయినందుకు గానూ ఆర్జీవీ హర్షం వ్యక్తం చేశారు.
‘నన్ను అసిస్టెంట్‌గా తీసుకోవాలని నా మాజీ అసిస్టెంట్‌ అజయ్‌ భూపతిని కోరుతున్నా’నంటూ ఆయన ట్వీట్ చేశారు. కాగా, ఈ సినిమాలో కార్తికేయ, పాయల్‌ రాజ్‌పుత్‌ జంటగా నటించగా, రాంకీ, రావు రమేశ్ ప్రధాన పాత్రల్లో నటించారు. కాగా, ‘RX 100’ సినిమా యూత్‌ని ఆకట్టుకునేలా ఉందని పలువురు సినీ ప్రముఖులు ప్రశంసిస్తున్నారు.