beautician padma: బ్యూటీషియన్ పద్మపై దాడి కేసు.. నిందితుడు నూతన్ కుమార్ ఆత్మహత్య!
- రైలు కిందపడి ఆత్మహత్య చేసుకున్న నూతన్
- నరసరావుపేట-గుంటూరు మార్గంలో సంఘటన
- రైలు పట్టాలపై మృతదేహాన్ని గుర్తించిన పోలీసులు
బ్యూటీషియన్ పిల్లి పద్మపై హత్యాయత్నం కేసులో నిందితుడు, ఆమెతో సహజీవనం చేస్తున్న నూతన్ కుమార్ ఆత్మహత్యకు పాల్పడ్డాడు. నరసరావుపేట-గుంటూరు మార్గంలో రైలు కిందపడి నూతన్ ఆత్మహత్య చేసుకున్నాడు. రైలు పట్టాలపై అతని మృతదేహాన్ని పోలీసులు గుర్తించారు.
కాగా, కృష్ణా జిల్లా బావులపాడులో బ్యూటీషియన్ పద్మపై ఈ దాడి జరిగింది. ఆమెతో సహజీవనం చేస్తున్న నూతన్ కుమార్, ఈ దారుణానికి పాల్పడ్డాడని పోలీసులు అనుమానించారు. ఈ క్రమంలో అతని ఆచూకీ కోసం నాలుగు ప్రత్యేక బృందాలతో పోలీసులు గాలించారు.