Pawan Kalyan: మేనల్లుడి సినిమాలో పవన్ కల్యాణ్?
- డాలి దర్శకత్వంలో వైష్ణవ్ తేజ్ హీరోగా సినిమా
- కీలక పాత్రకు పవన్ తో సంప్రదింపులు
- పవన్ ఓకే చెప్పేశారంటూ వార్తలు
పవర్ స్టార్ పవన్ కల్యాణ్ జనసేనానిగా ప్రత్యక్ష రాజకీయాల్లోకి అడుగు పెట్టే సమయంలో భిన్న వాదనలు వినిపించాయి. పవన్ అప్పుడప్పుడు సినిమాలు చేస్తారని కొందరంటే... ఆయన పూర్తిగా సినిమాలకు ఫుల్‌స్టాప్ పెట్టేశారని మరి కొందరు అభిప్రాయపడ్డారు. ఈ రెండింటి మధ్య ఏ విషయం తేలక అభిమానులు కాస్త గందరగోళానికి లోనయ్యారు.
ఈ నేపథ్యంలో ఇప్పుడు ఓ వార్త అభిమానులను ఆనందంలో ముంచెత్తుతోంది. అదేంటంటే, పవన్ మరికొన్ని రోజుల్లో వెండితెరపై కనిపించనున్నారట. 'గోపాల గోపాల', 'కాటమరాయుడు' చిత్రాల దర్శకుడు డాలి దర్శకత్వంలో సాయి ధరమ్ తేజ్ తమ్ముడు వైష్ణవ్ తేజ్ హీరోగా ఓ సినిమా తెరకెక్కనుంది. ఈ సినిమాలో ఓ కీలక పాత్ర కోసం పవన్‌ను సంప్రదించారట. తన మేనల్లుడి కోసం పవర్ స్టార్ దీనికి ఓకే చెప్పారని ఫిలిం నగర్ వార్త. మరి, ఇందులో నిజమెంతుందో తెలియాలంటే కొన్నాళ్లు ఆగాల్సిందే!