Andhra Pradesh: ఏపీ ఎన్నికలకు టీడీపీ అభ్యర్థులను నాలుగు నెలల ముందే ప్రకటిస్తాం!: మంత్రి ప్రత్తిపాటి పుల్లారావు!
- గుంటూరులో మీడియాతో మాట్లాడిన మంత్రి
- ఎన్టీఆర్ విగ్రహం ఏర్పాటు పనులకు శంకుస్థాపన
- 175 సీట్లలో పోటీ చేస్తామని ప్రకటన
ఆంధ్రప్రదేశ్ అసెంబ్లీ ఎన్నికల్లో తెలుగుదేశం పార్టీ టికెట్ల కేటాయింపుపై మంత్రి ప్రత్తిపాటి పుల్లారావు క్లారిటీ ఇచ్చారు. ఈ రోజు గుంటూరు జిల్లా మంగళగిరిలో ఎన్టీఆర్ విగ్రహం ఏర్పాటు కోసం మంత్రి భూమి పూజ చేశారు. ఈ సందర్భంగా మీడియాతో మాట్లాడిన పుల్లారావు.. పలు అంశాలపై ముచ్చటించారు.
అసెంబ్లీ ఎన్నికలకు 4 నెలల ముందుగానే చంద్రబాబు పార్టీ అభ్యర్థులను ప్రకటిస్తారని ప్రత్తిపాటి పుల్లారావు తెలిపారు. అందుకు అనుగుణంగా పనిచేస్తున్నట్లు వెల్లడించారు. గతంలో జరిగినట్లుగా చివరి నిమిషంలో అభ్యర్థుల ఎంపిక ఉండబోదని స్పష్టం చేశారు. ఈసారి 175 సీట్లలోనూ టీడీపీ పోటీ చేస్తుందని తేల్చిచెప్పారు.
