Nikhil: నిఖిల్ కొత్త చిత్రం శ్వాస
- ప్రస్తుతం 'ముద్ర' చేస్తున్న నిఖిల్
- నూతన దర్శకుడికి ఛాన్స్
- కథానాయికగా నివేదా థామస్
ప్రస్తుతం 'ముద్ర' సినిమా చేస్తున్న యంగ్ హీరో నిఖిల్ తాజాగా మరో చిత్రానికి కూడా ఓకే చెప్పాడు. కిషన్ కట్టా దర్శకత్వంలో ఈ చిత్రం రూపొందుతుంది. నివేదా థామస్ కథానాయికగా నటించే ఈ చిత్రానికి 'శ్వాస' అనే టైటిల్ని ఖరారు చేశారు. తేజ్ ఉప్పలపాటి, హరిణికేశ్ రెడ్డి కలసి నిర్మిస్తున్న ఈ చిత్రం పూజా కార్యక్రమాలను ఈ రోజు హైదరాబాదు అన్నపూర్ణా స్థూడియోలో నిర్వహించారు. ఇదే సమయంలో చిత్రం టైటిల్ తో కూడిన ఫస్ట్ లుక్ ను కూడా సోషల్ మీడియా ద్వారా నిర్మాతలు రిలీజ్ చేశారు. 'ముద్ర' పూర్తికాగానే ఈ 'శ్వాస' షూటింగులో నిఖిల్ పాల్గొంటాడు.