charan: బోయపాటి మూవీ నుంచి చరణ్ ఫస్టులుక్ వచ్చేస్తోంది
- బోయపాటితో చరణ్
- కీలకపాత్రలో ప్రశాంత్
- సంక్రాంతికి విడుదల
బోయపాటి శ్రీను దర్శకత్వంలో చరణ్ హీరోగా ఒక సినిమా రూపొందుతోంది. ఇప్పటికే ఈ యాక్షన్ ఎంటర్టైనర్ చాలా వరకూ చిత్రీకరణను జరుపుకుంది. కైరా అద్వాని కథానాయికగా నటిస్తోన్న ఈ సినిమా పనులు మరో నెల రోజుల్లో పూర్తికానున్నాయి. ఈ సినిమాకి 'వినయ విధేయ రామా' అనే టైటిల్ ను ఖరారు చేశారు. దసరాకి ఈ సినిమా నుంచి ఫస్టులుక్ వస్తుందనే టాక్ వినిపించింది. కానీ ఈ విషయంలో అభిమానులకు నిరాశే ఎదురైంది.
త్వరలో టైటిల్ లోగోను ఖరారు చేసి దీపావళికి ఈ సినిమా ఫస్టులుక్ ను విడుదల చేసే ఆలోచనలో ఉన్నారట. సంక్రాంతి కానుకగా ఈ సినిమాను జనవరి 11వ తేదీన విడుదల చేయనున్నారు. అంతకు రెండు రోజుల ముందే ఎన్టీఆర్ బయోపిక్ ను విడుదల చేయనున్నారు. ఈ నేపథ్యంలో ఈ రెండు సినిమాల మధ్య గట్టిపోటీ ఏర్పడే అవకాశం ఉందని చెప్పుకుంటున్నారు. ఈ సినిమాలో ఒక కీలకమైన పాత్రలో సీనియర్ హీరో ప్రశాంత్ నటిస్తుండటం విశేషం.