ranveer singh: విడుదల తేదీ ఖరారు చేసుకున్న 'టెంపర్' హిందీ రీమేక్
- తెలుగులో సక్సెస్ అయిన 'టెంపర్'
- హిందీలో హీరోగా రణ్ వీర్
- డిసెంబర్ 28న విడుదల
తెలుగులో ఎన్టీఆర్ .. పూరి జగన్నాథ్ కాంబినేషన్లో వచ్చిన 'టెంపర్' అభిమానులను ఎంతగానో ఆకట్టుకుంది. దాంతో ఈ సినిమాను తమిళంలోనూ .. హిందీలోను రీమేక్ చేస్తున్నారు. తమిళంలో విశాల్ హీరోగా ఈ సినిమా రూపొందుతుండగా, రాశి ఖన్నా కథానాయికగా నటిస్తోంది. ఇక హిందీలో రణ్ వీర్ సింగ్ కథానాయకుడిగా నటిస్తుండగా, సారా అలీఖాన్ కథానాయికగా నటిస్తోంది.
'సింబా' పేరుతో నిర్మితమవుతోన్న ఈ సినిమా నుంచి డిసెంబర్ 3వ తేదీన ట్రైలర్ ను విడుదల చేయాలని నిర్ణయించుకున్నారు. అదే నెల 28వ తేదీన ప్రపంచవ్యాప్తంగా ఈ సినిమాను విడుదల చేయనున్నారు. రోహిత్ శెట్టి దర్శకుడిగా వ్యవహరిస్తోన్న ఈ సినిమాతో తప్పకుండా హిట్ పడుతుందనే నమ్మకంతో రణ్ వీర్ వున్నాడు. ఇక తమిళంలో విశాల్ కూడా అంతే నమ్మకంతో వున్నాడు. ఏం జరుగుతుందో చూడాలి మరి.