KCR: టీఆర్ఎస్ ఆకట్టుకునే విజయం సాధించింది: అమిత్ షా
- 88 స్థానాల్లో విజయం సాధించిన టీఆర్ఎస్
- బ్రహ్మాండమైన గెలుపన్న అమిత్ షా
- ప్రమాణ స్వీకారానికి సిద్ధమవుతున్న కేసీఆర్
తెలంగాణ రాష్ట్ర సమితి (టీఆర్ఎస్) ఘన విజయం సాధించడంపై బీజేపీ జాతీయ అధ్యక్షుడు అమిత్ షా స్పందించారు. తెలంగాణ అసెంబ్లీ ఎన్నికల్లో టీఆర్ఎస్ ఆకట్టుకునే విజయాన్ని సాధించిందని ట్వీట్ చేశారు. ఈ సందర్భంగా టీఆర్ఎస్ చీఫ్ కేసీఆర్‌కు అభినందనలు తెలిపారు. ఈ ఎన్నికల్లో 88 సీట్లు గెలుచుకున్న టీఆర్ఎస్ రెండోసారి అధికారంలోకి వచ్చింది. ముఖ్యమంత్రిగా కేసీఆర్ రెండోసారి ప్రమాణ స్వీకారానికి సిద్ధమవుతున్నారు. కాగా, టీఆర్ఎస్ గెలుపుపై పలువురు రాజకీయ, సినీ ప్రముఖులు ఇప్పటికే ట్వీట్ల ద్వారా అభినందనలు తెలిపారు.
