kamal: ఉక్రెయిన్ లో 'భారతీయుడు 2' మేజర్ పార్ట్ షూటింగ్
- కమల్ కథానాయకుడిగా 'భారతీయుడు 2'
- సంగీత దర్శకుడిగా అనిరుధ్
- 2020 సంక్రాంతికి రిలీజ్
శంకర్ .. కమలహాసన్ కాంబినేషన్లో 'భారతీయుడు 2' సినిమా సెట్స్ పైకి వెళ్లడానికి రెడీ అవుతోంది. లైకా ప్రొడక్షన్స్ బ్యానర్ పై నిర్మితమవుతోన్న ఈ సినిమాలో కమల్ సరసన కథానాయికగా కాజల్ నటించనుంది. జనవరిలో ఈ సినిమాను లాంచ్ చేయనున్నారు. అందుకు సంబంధించిన ఏర్పాట్లు చకచకా జరిగిపోతున్నాయి.
తొలి షెడ్యూల్ ను 'చెన్నై'లో ప్లాన్ చేశారు. ఆ తరువాత కొన్ని ముఖ్యమైన సన్నివేశాలను 'పొల్లాచ్చి'లో చిత్రీకరించనున్నారు. తదుపరి షెడ్యూల్ ను 'ఉక్రెయిన్'లో జరపనున్నారు. ఇది మేజర్ షెడ్యూల్ .. ప్రధాన పాత్రలకి సంబంధించిన కీలకమైన సన్నివేశాలను అక్కడ చిత్రీకరించనున్నట్టు తెలుస్తోంది. అక్కడ చిత్రీకరించే సన్నివేశాలు ఈ సినిమా హైలైట్స్ లో ఒకటిగా నిలుస్తాయని అంటున్నారు. ఈ సినిమాలో మరింత ఫిట్ నెస్ తో కనిపించడానికి కమల్ ప్రస్తుతం కసరత్తు చేస్తున్నారట. అనిరుధ్ సంగీతాన్ని సమకూర్చుతోన్న ఈ సినిమాను 2020 సంక్రాంతికి విడుదల చేయనున్నట్టు తెలుస్తోంది.
