kamal: 'భారతీయుడు 2' నుంచి రానున్న మరో హీరో ఫస్టులుక్
- షూటింగు దశలో 'భారతీయుడు 2'
- కీలకమైన పాత్రలో సిద్ధార్థ్
- త్వరలో ఖరారు చేయనున్న శంకర్
కమల్ కథానాయకుడిగా శంకర్ దర్శకత్వంలో 'భారతీయుడు 2' సినిమా షూటింగ్ కొన్ని రోజుల క్రితమే మొదలైంది. చెన్నై శివార్లలో వేసిన భారీ సెట్లో కొన్ని కీలకమైన సన్నివేశాలను చిత్రీకరించారు. కాజల్ కథానాయికగా నటిస్తోన్న ఈ సినిమాలో సిద్ధార్థ్ కూడా ఒక కీలకమైన పాత్రలో కనిపించనున్నాడనే టాక్ వచ్చింది. అయితే ఈ విషయంపై అధికారిక ప్రకటన మాత్రం వెలువడలేదు.
దాంతో ఈ సినిమాలో సిద్ధార్థ్ వున్నాడా .. లేడా అనే విషయంలో క్లారిటీ లేకుండా పోయింది. ఈ నేపథ్యంలో ఈ సినిమా నుంచి సిద్ధార్థ్ లుక్ ను రిలీజ్ చేసే ఉద్దేశంతో శంకర్ ఉన్నాడనేది తాజా సమాచారం. ఈ సినిమా షూటింగులో సిద్ధార్థ్ ఇంకా పాల్గొనలేదు. అందువలన సెట్స్ కి సిద్ధార్థ్ రాగానే .. ఆయన ఈ సినిమా చేస్తున్నాడనే విషయాన్ని ఖరారు చేస్తూ .. ఫస్టులుక్ వదలడానికి శంకర్ సిద్ధం చేస్తున్నాడనే టాక్ కోలీవుడ్లో బలంగా వినిపిస్తోంది.